கோவையில் சேவைகளை விரிவுபடுத்தும் விஸ்தரா: டெல்லி - கோவை விமான சேவை தொடங்கியது!

கோவை: இந்தியாவின் மிகச்சிறந்த சேவை நிறுவனம், டாடா குழுமம் மற்றும் சிங்கப்பூர் ஏர்லைன்ஸ் கூட்டு நிறுவனமான விஸ்தரா, டெல்லி மற்றும் கோயம்புத்தூர் இடையே தினசரி நேரடி விமான சேவையை இன்று தொடங்கியது.

2022 மே 27 முதல் மும்பை-கோயம்புத்தூர் வழித்தடத்தில் தினசரி நேரடி சேவையையும் தொடங்குகிறது. ஜூன் 03, 2022 முதல் பெங்களூரு - கோவை வழித்தடத்தில் தினசரி விமான சேவையை இரு மடங்காகிறது.

இது குறித்து விஸ்தராவின் தலைமை நிர்வாக அதிகாரி வினோத் கண்ணன், கூறியிருப்பதாவது, “மூன்று மெட்ரோ நகரங்களில் இருந்து கோயம்புத்தூருக்கு தினசரி நேரடி விமானங்களை பயணிகள் வசதிக்கேற்ப புறப்பாடு மற்றும் வருகை நேரத்தில் தொடங்குவது, எங்கள் வாடிக்கையாளர்களுக்கு அதிக இணைப்புகளை வழங்குவதற்கும், எங்கள் உள்நாட்டு விமான சேவையை வலுவாக்குவதற்குமான ஒரு முக்கியமான படியாகும். கோயம்புத்தூர் ஒரு விருப்பமான சுற்றுலாத் தலமாக மட்டுமல்லாமல் வர்த்தகத்திற்கான முக்கிய மையமாக உருவெடுத்துள்ளதால், பயணிகள் அதிக அளவில் பல நோக்கத்திற்காக பயணிக்கும் நகரமாக இது உள்ளது. மேலும் இந்த வழித்தடங்களில் எங்களது சிறந்த சேவைகளை அவர்களுக்கு வழங்குவதற்கான வாய்ப்பை எங்களுக்கு வழங்குகிறது.

20 மே 2022 முதல் (இன்று முதல்) டெல்லி, மும்பை மற்றும் பெங்களூரில் இருந்து கோயம்புத்தூர் செல்லும் விமானங்கள்:

பிரிவு	விமான எண்.	செயல்படும் நாட்கள்	புறப்பாடு	வருகை
டெல்லி – கோயம்புத்தூர் –டெல்லி(20 மே 2022 முதல்)
டெல்லி- கோயம்புத்தூர்	யூகே 0533	தினசரி	11:45 மணி	14:40 மணி
கோயம்புத்தூர்-டெல்லி	யூகே 0534	தினசரி	15:15 மணி	18:20 மணி
மும்பை– கோயம்புத்தூர்– மும்பை(27 மே 2022 முதல்)
மும்பை-கோயம்புத்தூர்	யூகே 0521	தினசரி	11:10 மணி	12:55 மணி
கோயம்புத்தூர்-மும்பை	யூகே 0522	தினசரி	13:30 மணி	15:20 மணி
பெங்களூரு– கோயம்புத்தூர்– பெங்களூரு(03 ஜூன் 2022 முதல்)
பெங்களூரு - கோயம்புத்தூர்	யூகே 0511	தினசரி	07:00 மணி	07:55 மணி
கோயம்புத்தூர்- பெங்களூரு	யூகே 0512	தினசரி	08:30 மணி	09:30 மணி
பெங்களூரு - கோயம்புத்தூர்	யூகே 0513	தினசரி	19:25 மணி	20:20 மணி
கோயம்புத்தூர்- பெங்களூரு	யூகே 0514	தினசரி	20:55 மணி	21:45 மணி

ஸ்கைட்ராக்ஸ் மற்றும் டிரிப் அட்வைசரில் விஸ்தாரா இந்தியாவின் மிக உயர்ந்த தரமதிப்பீடு பெற்ற விமான நிறுவனமாகும். மேலும் இது கேபின் தூய்மை மற்றும் பாதுகாப்புத் தரங்களுக்காகப் பாராட்டப்படுவதற்கும் மேலாக, விமான சேவைகளுக்கு ‘சிறந்த விமான நிறுவனம்’ என்ற பல விருதுகளை வென்றுள்ளது. செயல்பாடுகளைத் தொடங்கி ஏழு ஆண்டுகளில் குறுகிய காலத்தில், விஸ்தாரா இந்திய விமானத் துறையில் செயல்பாடுகள் மற்றும் சேவை தரங்களை உயர்த்தி நாட்டின் விருப்பமான விமான நிறுவனமாக மாறியுள்ளது.