கோவையில் உரிய ஆவணங்கள் இன்றி கொண்டு செல்லப்பட்ட ரூ.2 இலட்சம் பறிமுதல்..!

கோவை: கோவையில் வாகன சோதனையின்போது எவ்விதமான உரிய ஆவணங்களுமின்றி கொண்டு சென்ற ரூ.2 இலட்சம் பறிமுதல் செய்யப்பட்டது.

கோயம்புத்தூர்‌ மாநகராட்சியில்‌ நகர்ப்புற உள்ளாட்சி சாதாரண தேர்தல்‌ 2022 நடத்தை விதிமுறைகளை பின்பற்றி, பறக்கும்படை குழுவினர்‌- III (FST IIl) 07.02.2022 அன்று மாலை 6.35 மணியளவில்‌ கோவை மாநகராட்சி மத்திய மண்டலம்‌ வார்டு எண்‌.69க்குட்பட்ட பாரதிபார்க்‌ சாலை, 4வது வீதி, ஜி.சி.டி.எதிரில்‌ வாகன சோதனையின்போது எவ்விதமான உரிய ஆவணங்களுமின்றி கொண்டு சென்ற ரூ.2,00,000/- (ரூபாய்‌ இரண்டு இலட்சம்‌ மட்டும்‌) கைப்பற்றப்பட்டது.

கோவை ரேஸ்கோஸ்‌ பகுதியில்‌ உள்ள சார்பு கருவூல அலுவலர்‌ அவர்களிடம்‌ தகவல்‌ தெரிவிக்கப்பட்டு, கோயம்புத்தூர்‌ மாவட்ட தெற்கு உதவி கருவூல அலுவலரிடம்‌ ஒப்படைக்கப்பட்டது என தெரிவித்துக்‌ கொள்ளப்படுகிறது.