கோவை அரசு மருத்துவமனையில் தற்காலிக பணியிடங்களுக்கு விண்ணப்பிக்கலாம்

கோவை: கோவை அரசு மருத்துவக் கல்லூரி மருத்துவமனையில் பேரிடா் காலத்தில் அறிவிக்கப்பட்டுள்ள தற்காலிக மருத்துவர்கள், செவிலியர் உள்ளிட்ட பணியிடங்களுக்கு ஜனவரி 24-ஆம் தேதிக்குள் விண்ணப்பிக்க முதல்வர் அ.நிர்மலா அறிவுறுத்தியுள்ளார்.

இது தொடர்பாக அவர் வெளியிட்டுள்ள செய்திக்குறிப்பு:-

கொரோனா தொற்று காரணமாக அரசு மருத்துவக் கல்லூரி மருத்துவமனை கொரோனா சிகிச்சை மையத்தில் 2-மாத காலத்துக்குத் தற்காலிகமாகத் தொகுப்பு ஊதிய அடிப்படையில் பணிபுரிவதற்கு மருத்துவர்கள், செவிலியர் உள்பட 8-பிரிவுகளில் பணியாளர்கள் தேர்வு செய்யப்படவுள்ளனர்.

காலிப்பணியிடங்கள் விவரம் (அடைப்புக்குறிக்குள் சம்பளம்):

மருத்துவர்கள் - 30 போ் (ரூ.60 ஆயிரம்), உயிர் மருந்தியல் பொறியாளர் 1 (ரூ.20 ஆயிரம்), செவிலியர் - 50 போ் (ரூ.14 ஆயிரம்), நுண்கதிா்நுட்புநா் - 3 போ் (ரூ.12 ஆயிரம்), ஆய்வக நுட்புநா் 8 போ் (ரூ.12 ஆயிரம்), மயக்கவியல் நுட்புநா் - 10 போ் (ரூ.11 ஆயிரம்), தரவு பதிவர் - 10 போ் (ரூ.10 ஆயிரம்), ஓட்டுநா் - 4 போ் (ரூ.10 ஆயிரம்) ஆகியோர் தேர்வு செய்யப்படவுள்ளனர்.

இதற்கான நேர்காணல் அரசு மருத்துவக் கல்லூரி மருத்துவமனை கருத்தரங்க அறையில் ஜனவரி 28-ஆம் தேதி நடைபெறுகிறது. இதற்கு ஜனவரி 24-ஆம் தேதிக்குள் விண்ணப்பிக்க வேண்டும் என்று தெரிவிக்கப்பட்டுள்ளது.