பல்வேறு மாவட்டங்களில் நடைபெறும் அரசு மற்றும் கட்சி விழாக்களில் பங்கேற்க கோவை விமான நிலையம் வந்த முதல்வர் மு க ஸ்டாலினுக்கு, அமைச்சர். செந்தில்பாலாஜி தலைமையில், திமுகவினர் உற்சாக வரவேற்பளித்தனர்.
திருப்பூர், கரூர், திண்டுக்கல் உள்ளிட்ட மாவட்டங்களில் பல்வேறு அரசு மற்றும் கட்சி நிகழ்ச்சிகளில் கலந்துகொள்ள கோவை விமானநிலையம் வந்த தமிழக முதல்வருக்கு பல ஆயிரக்கணக்கான திமுகவினர் மற்றும் பொதுமக்கள் மேளதாளம் முழங்க கழக கொடிகளை கையில் ஏந்தியவாறு உற்சாக வரவேற்பு அளித்தனர்.
தமிழக மின்சாரத்துறை அமைச்சர். செந்தில்பாலாஜி தலைமையில், மாவட்ட செயலாளர்கள் நா.கார்த்திக்ரவி, தளபதி முருகேசன் ஆகியோர் முன்னிலையில் வரவேற்பு அளிக்கப்பட்டது.
வரவேற்பின்போது, அமைச்சர் வெள்ளகோவில் சாமிநாதன், முத்துச்சாமி, முன்னாள் மத்திய அமைச்சர் மு.கண்ணப்பன், திமுக சொத்து பாதுகாப்பு குழு துணைத்தலைவர் பொங்கலூர் பழனிச்சாமி, மேயர் கல்பனா ஆனந்தகுமார், துணைமேயர் வெற்றிச்செல்வன், மாவட்ட செயலாளர்கள், இளைஞரணியினர்மற்றும் மாவட்ட, நகர, பகுதி கழக நிர்வாகிகள் உள்ளிட்ட ஏராளமானோர் கலந்து கொண்டனர்.
