நூல் விலை உயர்வை கட்டுப்படுத்த மத்திய அரசு கவனத்தை ஈர்க்கும் வகையில் 16-மற்றும் 17-ல் திருப்பூர் பின்னலாடை மற்றும் அதனை சார்ந்த அனைத்து நிறுவனங்கள் வேலை நிறுத்த போராட்டத்தில் ஈடுபடப் போவதாக அறிவித்துள்ளனர்.
திருப்பூர்: நூல் விலை உயர்வை கட்டுப்படுத்த மத்திய அரசு கவனத்தை ஈர்க்கும் வகையில் 16-மற்றும் 17-ஆகிய இரண்டு தினங்களில் திருப்பூர் மாவட்டத்தில் பின்னலாடை மற்றும் அதனைச் சார்ந்த அனைத்து நிறுவனங்கள் வேலை நிறுத்த போராட்டத்தில் ஈடுபடப் போவதாக அறிவித்துள்ளனர். தமிழ்நாடு முழுவதும் பின்னலாடை துறை சார்ந்த அமைப்புகளிடம் ஆதரவு திரட்ட இருப்பதாகவும் தீர்மானம் நிறைவேற்றப்பட்டது.
நூல் விலை உயர்வை கட்டுப்படுத்த மத்திய அரசு கவனத்தை ஈர்க்கும் வகையில், மேற்கொள்ள வேண்டிய நடவடிக்கைகள் குறித்து இன்று திருப்பூர் ஏற்றுமதியாளர் சங்க அலுவலகத்தில் திருப்பூர் நாடாளுமன்ற உறுப்பினர் சுப்பராயன், தலைமையில் கோவை தொகுதி நாடாளுமன்ற உறுப்பினர் நடராஜன், கரூர் தொகுதி நாடாளுமன்ற உறுப்பினர் ஜோதிமணி, பொள்ளாச்சி தொகுதி நாடாளுமன்ற உறுப்பினர் சண்முகசுந்தரம், ஈரோடு தொகுதி நாடாளுமன்ற உறுப்பினர் கணேசமூர்த்தி, திருப்பூர் ஏற்றுமதியாளர் சங்க தலைவர் ராஜா சண்முகம் மற்றும் தொழில்துறை சார்ந்த அமைப்பின் நிர்வாகிகள் கலந்து கொண்ட ஆலோசனைக் கூட்டம் நடைபெற்றது.
இதில் திருப்பூர் மட்டுமல்லாது மாநிலத்தின் பல்வேறு பகுதிகளில் பின்னலாடை சார்ந்த தொழில்கள் அதிக அளவு இருக்கக் கூடிய சூழ்நிலையில் உடனடியாக இப்பிரச்சனையை மத்திய அரசின் கவனத்திற்கு கொண்டு செல்ல நாடாளுமன்ற உறுப்பினர்கள் நாடாளுமன்றத்தில் குரல் கொடுக்க தயாராக இருப்பதாகவும், நாடாளுமன்ற நிலைக்குழு மூலமாகவும், இப்பிரச்சனையை முன்னெடுத்துச் செல்ல தயாராக இருப்பதாக கரூர் தொகுதி நாடாளுமன்ற உறுப்பினர் ஜோதிமணி தெரிவித்தார்.
மேலும், இந்த ஆலோசனைக் கூட்டத்தில் ஏற்கனவே 16-ஆம் தேதி முதல் 21-ம் தேதி வரை ஆறு நாள் வேலை நிறுத்தம் அறிவிக்கப்பட்டிருந்த சூழ்நிலையில், இதனை மாநிலம் தழுவிய போராட்டமாக கொண்டு செல்ல இருப்பதால் 16-மற்றும் 17-ஆகிய இரண்டு தினங்களில் நடத்துவது என்றும், திருப்பூர் மாவட்டத்தில் இரண்டு தினங்கள் முழு வேலை நிறுத்தப்போராட்டத்தில் ஈடுபட இருப்பதாகவும், தமிழ்நாடு முழுவதும் உள்ள பின்னலாடை மற்றும் அதனைச் சார்ந்த நிறுவனங்களிலும் இரண்டு நாள் பொது வேலை நிறுத்தத்திற்கு ஆதரவு திரட்ட இருப்பதாகவும் தொழில் துறையினர் தெரிவித்தனர்.
மேலும், இந்த கூட்டத்தில் பஞ்சு மற்றும் நூல் ஏற்றுமதியை தவிர்க்க வேண்டும், பஞ்சு இறக்குமதி வரியை ரத்து செய்தது போல நூல் இறக்குமதி வரியை ரத்து செய்ய வேண்டும், நாளைய தினம் கோவை வர உள்ள மத்திய நிதி அமைச்சர் நிர்மலா சீதாராமனை தொழில்துறை நிர்வாகிகள் சந்தித்து கோரிக்கையை முன்வைப்பது என தீர்மானம் நிறைவேற்றப்பட்டது.
நூல் விலை உயர்வை கட்டுப்படுத்த மத்திய அரசு கவனத்தை ஈர்க்கும் வகையில், மேற்கொள்ள வேண்டிய நடவடிக்கைகள் குறித்து இன்று திருப்பூர் ஏற்றுமதியாளர் சங்க அலுவலகத்தில் திருப்பூர் நாடாளுமன்ற உறுப்பினர் சுப்பராயன், தலைமையில் கோவை தொகுதி நாடாளுமன்ற உறுப்பினர் நடராஜன், கரூர் தொகுதி நாடாளுமன்ற உறுப்பினர் ஜோதிமணி, பொள்ளாச்சி தொகுதி நாடாளுமன்ற உறுப்பினர் சண்முகசுந்தரம், ஈரோடு தொகுதி நாடாளுமன்ற உறுப்பினர் கணேசமூர்த்தி, திருப்பூர் ஏற்றுமதியாளர் சங்க தலைவர் ராஜா சண்முகம் மற்றும் தொழில்துறை சார்ந்த அமைப்பின் நிர்வாகிகள் கலந்து கொண்ட ஆலோசனைக் கூட்டம் நடைபெற்றது.
இதில் திருப்பூர் மட்டுமல்லாது மாநிலத்தின் பல்வேறு பகுதிகளில் பின்னலாடை சார்ந்த தொழில்கள் அதிக அளவு இருக்கக் கூடிய சூழ்நிலையில் உடனடியாக இப்பிரச்சனையை மத்திய அரசின் கவனத்திற்கு கொண்டு செல்ல நாடாளுமன்ற உறுப்பினர்கள் நாடாளுமன்றத்தில் குரல் கொடுக்க தயாராக இருப்பதாகவும், நாடாளுமன்ற நிலைக்குழு மூலமாகவும், இப்பிரச்சனையை முன்னெடுத்துச் செல்ல தயாராக இருப்பதாக கரூர் தொகுதி நாடாளுமன்ற உறுப்பினர் ஜோதிமணி தெரிவித்தார்.
மேலும், இந்த ஆலோசனைக் கூட்டத்தில் ஏற்கனவே 16-ஆம் தேதி முதல் 21-ம் தேதி வரை ஆறு நாள் வேலை நிறுத்தம் அறிவிக்கப்பட்டிருந்த சூழ்நிலையில், இதனை மாநிலம் தழுவிய போராட்டமாக கொண்டு செல்ல இருப்பதால் 16-மற்றும் 17-ஆகிய இரண்டு தினங்களில் நடத்துவது என்றும், திருப்பூர் மாவட்டத்தில் இரண்டு தினங்கள் முழு வேலை நிறுத்தப்போராட்டத்தில் ஈடுபட இருப்பதாகவும், தமிழ்நாடு முழுவதும் உள்ள பின்னலாடை மற்றும் அதனைச் சார்ந்த நிறுவனங்களிலும் இரண்டு நாள் பொது வேலை நிறுத்தத்திற்கு ஆதரவு திரட்ட இருப்பதாகவும் தொழில் துறையினர் தெரிவித்தனர்.
மேலும், இந்த கூட்டத்தில் பஞ்சு மற்றும் நூல் ஏற்றுமதியை தவிர்க்க வேண்டும், பஞ்சு இறக்குமதி வரியை ரத்து செய்தது போல நூல் இறக்குமதி வரியை ரத்து செய்ய வேண்டும், நாளைய தினம் கோவை வர உள்ள மத்திய நிதி அமைச்சர் நிர்மலா சீதாராமனை தொழில்துறை நிர்வாகிகள் சந்தித்து கோரிக்கையை முன்வைப்பது என தீர்மானம் நிறைவேற்றப்பட்டது.