அருந்ததியர் சமுதாயத்தை சேர்ந்த என்னை இணை அமைச்சராக்கி அழகு பார்த்தது பாஜகவும், பிரதமர் மோடியும் தான் - எல். முருகன் உருக்கம்!

கோவை: அருந்ததியர் சமுதாயத்தை சேர்ந்த என்னை பாஜக தலைவராக்கி, இணை அமைச்சராக்கி அழகு பார்த்தது பாஜகவும் நரேந்திர மோடியும் தான் என்று ஆசீர்வாத யாத்திரை தொடங்கி பாஜகவின் எல். முருகன் உருக்கமான பேசினார்.



பா.ஜ.க அரசின் திட்டங்களை மக்களிடம் கொண்டு சேர்க்கும் வகையில் கோவையில் மக்கள் ஆசிர்வாத யாத்திரியை மத்திய இணை அமைச்சர் முருகன் இன்று துவக்கினார்.

இதனை தொடர்ந்து மக்கள் மத்தியில் அவர் பேசியதாவது:



அருந்ததியர் சமூதாயத்தில் பிறந்த என்னை பிரதமர் நரேந்திரமோடி இணை அமைச்சராக பதவியேற்று அழகு பார்த்துள்ளார். செருப்பு தைக்கும் தொழிலாளி குடும்பத்தைச் சேர்ந்த என்னை மாநில தலைவராக்கியது பா.ஜ.க., தமிழகத்தில் எந்த கட்சியும் இதனை செய்ததில்லை என்றார்.

நம்பிக்கைக்கு பாத்திரமாக விளங்கும் இந்த சமுதாயம். ஏழைக் குடும்பத்தை சேர்ந்தவரை அறிமுகம் செய்ய வேண்டும். ஆனால், என்னை அறிமுகம் செய்யக்கூடாது என்று கங்கனம் கட்டிக் கொண்டது. காங்கிரஸ் கம்யூனிஸ்ட் கட்சியினர் அதனைத்தடுக்க முயன்றனர்.

அனைவருக்கும் வீடுகட்டும் திட்டத்தையும், ஒவ்வொரு வீட்டிற்கும் கழிப்பறை கட்டும் திட்டத்தையும் நிறைவேற்றியுள்ளது மத்திய அரசு 8 கோடி பேருக்கு இலவச கேஸ் இணைப்பு கொடுக்கப்பட்டுள்ளது. 2014ம் ஆண்டுக்குப் பிறகு ஒரு விவசாயி கூட தற்கொலை செய்யவில்லை. வருடத்திற்கு 6 ஆயிரம் ரூபாய் விவசாயிகளின் வங்கிக்கணக்கிற்கு செலுத்தப்படுகிறத. ஆயுஷ்மான் பாரதம் மூலம் 5 லட்சம் மதிப்பிலான இலவச காப்பீடு திட்டம் கொடுத்துள்ளனர்.



அதேபோல, சமூக நீதியை போற்றுகிறவராக பிரதமர் இருக்கிறார். இந்த மத்திய அமைச்சரவையில் தாழ்த்தப்பட்ட சமுதாயத்தைச் சேர்ந்த 12 அமைச்சர்கள், பழங்குடியினத்தைச் சேர்ந்த 8 அமைச்சர்கள், பிற்படுத்தப்பட்ட சமுதாயத்தைச் சேர்ந்த 28 அமைச்சர்கள் உள்ளனர்.

நலத் திட்டங்களை செய்துள்ளதால் மக்களிடம் ஆசியை பெறுவதற்காக இந்த யாத்திரை நடத்தப்படுவதாக தெரிவித்தார். இந்த சந்திப்பின் போது, பாஜக மாநிலத் தலைவர் அண்ணாமலை உட்பட பலர் உடனிருந்தனர்.



முன்னதாக, விமான நிலையத்தில் பாஜக சார்பாக மகளிர் அணி, மாணவர் அணி, இளைஞரணி உட்பட விமான நிலைய வாசலில் மத்திய இணை அமைச்சர் எல்.முருகனுக்கு தாரை தப்பட்டை முழங்க கோலாகல வரவேற்பு அளிக்கப்பட்டது.