திருப்பூர் மாவட்டத்தில் கூடுதலாக ஒரு மணி நேரம் கடைகளை திறக்க அனுமதி..!

திருப்பூர்: கொரோனா தொற்று மூன்றாம் அலை பரவுவதை கட்டுப்படுத்த தமிழக அரசு பல்வேறு கட்டுப்பாடுகளை மாவட்டரீதியாக அறிவித்துள்ளது.

திருப்பூர் மாவட்டத்தை பொறுத்தவரை திருப்பூர், உடுமலை, தாராபுரம், காங்கேயம் உள்ளிட்ட பகுதிகளில் காலை 6 மணி முதல் மாலை 5 மணி வரை மட்டுமே கடைகள் திறந்து வைக்க அனுமதி அளிக்கப்பட்டிருந்தது.

இந்த நிலையில், வியாபாரிகளின் தொடர் கோரிக்கை மற்றும் நலன் கருதி, கட்டுப்பாட்டை தளர்த்தி மாலை 6 மணி வரை கடைகள் திறந்து வைக்க அனுமதி வழங்கப்பட்டுள்ளது.

சுகாதாரத்துறை வெளியிட்டுள்ள அறிக்கையின்படி, நேற்று திருப்பூர் மாவட்டத்தில் 73 பேருக்கு கொரோனா தொற்று உறுதியாகியுள்ளது. மேலும், மாவட்டத்தில் 857 பேர் கொரோனா தொற்றுக்கு சிகிச்சை பெற்று வருகின்றனர் என்பது குறிப்பிடத்தக்கது.