நீலகிரி மலை ரயில் மூலமாக சுற்றுலாவை மேம்படுத்த ஈர்க்க தென்னக ரயில்வே திட்டம்

நீலகிரி: நீலகிரி மலை ரயில் மற்றும் அம்மாவட்டத்திலுள்ள ரயில் நிலையங்களை மேம்படுத்தி வசதிகளை ஏற்படுத்திக் கொடுப்பதன் மூலமாக சுற்றுலாவை மேம்படுத்த ஈர்க்க தென்னக ரயில்வே திட்டமிட்டுள்ளது. 

மலை ரயில்







கடந்த 25 வருடங்களுக்கு மேலாக நீலகிரி மலை ரயிலில் பயன்படுத்தி வந்த என்.எம்.ஆர்-87 என்ற பெட்டி தற்போது தரமுயர்த்தப்பட்டுள்ளது. கோவை- பெங்களூர் இடையே இயங்கும் உத்ய் எக்ஸ்பிரஸ் போல நவீன முறையில் இந்த பெட்டியும் தற்போது மேம்படுத்தப்பட்டுள்ளது. இதற்காக ரூ.1.8 லட்சம் மதிப்பில் பராமரிப்பு பணிகள் நடைபெற்றுள்ளன. 



உதகை, குன்னூர் மற்றும் மேட்டுப்பாளையம் ரயில் நிலையங்களை சிறப்பு மிக்க ரயில்நிலையங்களாக மாற்றும் வகையில் அங்கு இலவச வை-பை வசதி, மலை ரயிலின் சிறப்பை விளக்கும் பொருட்கள் விற்பனை போன்ற வசதிகள் செய்யப்பட்டுள்ளது. மேலும், உதகை ரயில் நிலையத்தில், ரயில் பெட்டிக்குள் உணவகம் போன்ற அமைப்பு உருவாக்க திட்டமிடப்பட்டது. 



சுற்றுலாப் பயணிகளை கவருவதற்கு சுற்றுலா ஏற்பாட்டாளர்களுடன் இணைந்து பல்வேறு வசதிகளையும் மேம்படுத்த தென்னக ரயில்வே திட்டமிட்டுள்ளது. 

கடந்த கோடை விடுமுறையின் போது 56 சிறப்பு ரயில்கள் இயக்கப்பட்டன. இதன் மூலம் ரூ.28 லட்சம் வருவாய் கிடைத்தது குறிப்பிடத்தக்கது.