அரசு பள்ளிகளில் வகுப்பறை கட்டும் பணியை தொடங்கியது யுனைடெட் ரவுண்ட் டேபிள் 186

கோவை: பொம்மனாம்பாளையம் மற்றும் திருமலையாம்பாளையத்தில் உள்ள அரசு பள்ளிகளில் யுனைடெட் ரவுண்ட் டேபிள் 186, வகுப்பறை கட்டும் பணியை தொடங்கியது.

இது தொடர்பாக ரோட்டரி கிளப் வெளியிட்டுள்ள அறிக்கையில் கூறப்பட்டுள்ளதாவது:-

திருமலையாம்பளையம் பகுதி அரசு பள்ளியில் வகுப்பறை கட்டும் பணியின் மொத்த மதிப்பு ரூ.8,50,000. இதில், ஆனமலை ஏஜென்சீஸ் பிரைவேட் லிமிடெட் ரூ.4, 50,000 நன்கொடையாக அளித்துள்ளது. கோயம்புத்தூர் யுனைடெட் ரவுண்ட் டேபிள் ரூ.4,00,000 நன்கொடை வசூலித்து அளித்துள்ளது. இந்த திட்டத்தால் ஏழை எளிய மாணவர்கள் 80 பேர் பயன்பெறுவர்.



கோயம்புத்தூர் யுனைடெட் ரவுண்ட் டேபிள் 186 சங்கத்தின் மற்றொரு திட்டமான பொம்மனாம்பாளையம் பஞ்சாயத்து யூனியன் நடுநிலைப் பள்ளியில் நான்கு வகுப்பறைகள் கொண்ட பிளாக் தொடங்கப்பட்டுள்ளது.

இந்த வகுப்பறைகள் ரூ.32,00,000 செலவில் மேற்கொள்ளப்பட்டது. பல்வேறு நன்கொடையாளர்கள், நிதி அளிப்போரிடமிருந்து இவை பெறப்பட்டன. இந்த திட்டத்தால் 70 அனாதை மாணவர்களும், 100 ஏழை எளிய மாணவர்களும் பயன்பெறுவர்.



இவ்வாறு அந்த அறிக்கையில் கூறப்பட்டுள்ளது.