மாநகராட்சி ஆணையர் தலைமையில் கோவை வடக்கு மண்டல அலுவலகத்தில் குறைதீர் கூட்டம்

கோவை மாநகராட்சி வடக்கு மண்டல அலுவலகத்தில் மாநகராட்சி ஆணையர் மற்றும் தனி அலுவலர் க.விஜயகார்த்திகேயன் தலைமையில் மக்கள் குறைதீர்க்கும் கூட்டம் இன்று நடைபெற்றது. 



இதுகுறித்து, மாநகராட்சி ஆணையர் மற்றும் தனி அலுவலர் தெரிவிக்கையில் “இன்று வடக்கு மண்டல அலுவலகத்தில் நடைபெற்ற மக்கள் குறைதீர் கூட்டத்தில் பொதுமக்கள் கோரிக்கை மனுக்களாக தெரு விளக்குகள், குப்பைகளை அகற்றுதல், குடிநீர் குறைபாடு, சாக்கடை தூர்வாறுதல், சாலைகள் சீரமைக்கும் பணிகள் என பல்வேறு உதவிகள் கோரி 17 மனுக்கள் பெறப்பட்டது.

இம்மனுக்களின் மீது உடனடியாக நடவடிக்கை எடுக்குமாறு சம்பந்தப்பட்ட அலுவலர்களுக்கு அறிவுறுத்தப்பட்டது. அவற்றுள் சீனிவாசன் என்பவர் தனது சொத்து வரியில் பெயர் மாற்றம் செய்து தருமாறும், சர்மிளா சரஸ்வதி என்பவர் பெயர் திருத்தம் சொத்து வரியிலும், குடிநீர் வரியிலும் செய்து தருமாறு ஆணையாளர் அவர்களிடம் மனு அளித்தனர்.

இந்த மூன்று மனுக்களின் மீதான குறைகளை 5 நிமிடத்திற்குள் மாநகராட்சி அலுவலர்கள் நிவர்த்தி செய்தனர். அவர்களுக்கு பாராட்டுகளை தெரிவித்துக்கொள்கிறேன்” என தெரிவித்துள்ளார்.

இக்கூட்டத்தில் வடக்கு மண்டல உதவி ஆணையர் சரவணக்குமார், மக்கள் தொடர்பு அலுவலர் க.தமிழ்செல்வன், மற்றும் மாநகராட்சி அலுவலர்கள் கலந்து கொண்டனர்.