பண்டைய நாகரீகத்தையும், பழங்கால சுகாதாரமான வாழ்க்கை முறையையும் மீட்டெடுக்கும் வகையில் தமிழ்நாடு வேளாணமை பல்கலைக்கழக மாணவர்கள் அக்ரோனோவா-17 என்ற கண்காட்சியை நடத்தினர்.
இன்று ஒரு நாள் நடைபெறும் இக்கண்காட்சியில் பழங்கால உணவுப்பொருட்கள், உழவு மற்றும் விவசாயப்பொருட்கள், பழங்கால நாணயங்கள் போன்றவை இடம்பெற்றுள்ளன. மேலும், பல்வேறு பள்ளிகளில் இருந்து வந்த மாணவர்களின் அறிவியல் கண்காட்சியும் அதில் இடம்பெற்றுள்ளது.
இது குறித்து வேளாண்மை பல்கலைக்கழக மாணவி வெற்றிச்செல்வி கூறுகையில், 'பழங்காலத்தில வாழ்க்கை முறையை பின்பற்ற வலியுறித்தி அக்ரோனோவா-17 கண்காட்சி நடைபெற்று வருகிறது. விவசாயம் நாட்டின் முதுகெலும்பாக உள்ள நிலையில், அது பின்னோக்கி செல்கிறது. பல விவசாயிகள் தற்கொலை செய்து வருகின்றனர். இதை முற்றிலுமாக மாற்றி விவசாயத்தை சார்ந்தே மனித வாழ்க்கை அமைய வேண்டும் என்பதே இக்கண்காட்சியின் நோக்கம்.
இக்கண்காட்சியில் தேனிவளர்ப்பு முறைகள், மருத்துவ குணமுள்ள செடி வகைகள் மற்றும் பழங்கால உணவுப் பொருட்கள் இடம்பெற்றுள்ளன. நாடு வளம் பெற வேண்டுமானால் விவசாயம் தழைக்க வேண்டும்'
இவ்வாறு வெற்றிச்செல்வி கூறினார்.