இந்திய கடற்படையில் பைலட், பொது சேவை, எலக்ட்ரிகல் என காலியாக உள்ள 217 பணியிடங்களுக்கு நவம்பர் 6ஆம் தேதிக்குள் www.joinindiannavy.gov.in என்ற வலைத்தள பக்கத்தில் விண்ணப்பிக்கலாம்.
இந்திய கடற்படையில் காலியாக உள்ள 217 பணியிடங்களை நிரப்புவதற்கான அறிவிப்பு வெளியிடப்பட்டுள்ளது.
இதுதொடர்பாக கடற்படை சார்பில்வெளியிடப்பட்டுள்ள அறிவிப்பில்,
இந்திய கடற்படையில்பைலட், பொது சேவை, எலக்ட்ரிகல் உள்ளிட்ட 9 பிரிவுகளில் காலியாக உள்ள 217 பணியிடங்களுக்கான தேர்வு நடைபெறவுள்ளது.
இதில், அதிக பட்சமாக பொதுச் சேவை பிரிவில் 56 இடங்களும், எலக்ட்ரிக்கல் பிரிவில் 45 இடங்களும், இன்ஜினியரிங் மற்றும் பைலட் பிரிவில் தலா 25 இடங்களும் காலியாக உள்ளன.
இதேபோல், போக்குவரத்து பிரிவில் 20 இடங்களும், வான் போக்குவரத்து கட்டுப்பாட்டாளர் பணிக்கான 5 இடங்களும் காலியாக உள்ளன.
மேலும், கடற்படை விமான இயக்க அதிகாரி பிரிவில் 15 இடங்களும், கல்வி பிரிவில் 12 இடங்களும், நேவல் கன்ஸ்டிரக்டர் பிரிவில் 14 இடங்களும் என, மொத்தம் ஒன்பது பிரிவுகளில், 217 இடங்கள் காலியாக உள்ளன.
கடற்படை பணியில் சேர விருப்பம் உள்ள, திருமணமாகாத ஆண் மற்றும் பெண் என இருபாலரும், நவம்பர் 6ஆம் தேதிக்குள்www.joinindiannavy.gov.in என்ற வலைத்தள பக்கத்தில் விண்ணப்பிக்கலாம்.
இவ்வாறு அந்த அறிக்கையில் தெரிவிக்கப்பட்டுள்ளது.