தமிழ்நாடு வேளாண்மைப்‌ பல்கலைக்கழகத்தில்‌ நாளை முதல் கோடைக்‌கால நீச்சல்‌ பயிற்சி முகாம்‌ ஆரம்பம்!

கோவை: தமிழ்நாடு வேளாண்மைப்‌ பல்கலைக்கழகத்தில்‌ இந்த ஆண்டு கோடைக்கால நீச்சல்‌ பயிற்சி நாளை ஏப்ரல் 23 ஆம்‌ தேதி முதல் தொடங்க உள்ளது. இப்பயிற்சியினை, நாளை காலை பல்கலைக்கழக துணைவேந்தர்‌, பேராசிரியர்‌ வெ. கீதாலட்சுமி தொடங்கி வைக்க உள்ளார்.

கொரோனா நோய் தொற்று காரணமாக, மூன்று ஆண்டு கால இடைவெளிக்குப் பின்பு, கோடைக்கால விடுமுறையை முன்னிட்டு பள்ளி மற்றும்‌ கல்லூரி மாணவ மாணவிகள்‌ அனைவருக்கும்‌ நீச்சல்‌ பயிற்சி, தமிழ்நாடு வேளாண்மைப்‌ பல்கலைக்கழகத்தில்‌ நடத்தபட உள்ளது.

அதன்படி, ஏப்ரல்‌ 23 முதல்‌ ஜூன்‌ 21 ஆம்‌ தேதி வரை தினமும்‌ காலை 7 மணி முதல்‌ பிற்பகல்‌ 12.30 மணி வரை மாணவர்கள்‌ மற்றும்‌ குழந்தைகளுக்கும்‌, பிற்பகல்‌ 3 மணி முதல்‌ மாலை 5 மணி வரை மாணவியர்களுக்கும்‌ பயிற்சிகள்‌ வழங்கப்பட உள்ளது.

ரூபாய். 3,068 பயிற்சி தொகையாக செலுத்தி, ஐந்து வயதுக்கு மேல்‌ உள்ள அனைவரும்‌ பங்கேற்று பயிற்சி பெறலாம்‌ என்றும் எந்த பயிற்சியில்‌ பங்கு பெற விருப்பமுள்ளவர்கள்‌ பல்கலைக்கழக உடற்கல்வி துறையில்‌ தங்கள்‌ பெயர்களை பதிவு செய்து பயன்‌ பெறலாம்‌, என்று தமிழ்நாடு வேளாண்மைப்‌ பல்கலைக்கழக மாணவர்‌ நல முதன்மையர்‌ முனைவர்‌. தி. ரகுசந்தர்‌, செய்திக்குறிப்பு மூலம் தெரிவித்துள்ளார்‌.

மேலும்‌ , தகவல்‌ அறிய 9486775495/0422 6611279 என்ற எண்களில்‌ தொடர்பு கொள்ளலாம்.