கோவை மாநகராட்சியில் தண்ணீர் தட்டுப்பாட்டை சமாளிக்க 10.7 கோடி ஒதுக்கீடு..!

கோவை: கோவை மாநகராட்சியில் தண்ணீர் தட்டுப்பாட்டைச் சமாளிக்க 10.7 கோடி ஒதுக்கீடு செய்யப்பட்டுள்ளது.

கோடைக் காலத்தில் தொடர்ந்து கோவை மாநகராட்சியில் கோடையைச் சமாளிக்க 10.5 கோடி ரூபாய்க்கு போர்வெல் அமைத்தல் மற்றும் பழைய போர்வெல் பழுதுபார்க்கக் கோவை மாநகராட்சி சார்பில் நிதி ஒதுக்கீடு செய்யப்பட்டுள்ளது.

கோடை வெயில் அதிகரிப்பு காரணமாகக் கோவை மாநகராட்சியில் உள்ள 100 வார்டுகளில் தண்ணீர் தட்டுப்பாடு அதிகரித்துள்ளது. மேலும், ஒரு சில வார்டுகளுக்கு 10 நாட்களுக்கு ஒரு முறையும் சில வார்டுகளுக்கு இரண்டு நாட்களுக்கு ஒரு முறையும் சீரற்ற தண்ணீர் வினியோகம் என்பது நடைபெற்று வருவதாக மாமன்ற உறுப்பினர்களும் குற்றம் சாட்டுகின்றனர்.

இந்நிலையில், தற்போது போர்வெல் அமைப்பதற்கும் பழைய போர்வெல், போர்வெல் பழுதுபார்ப்பதற்கும் 10.7 கோடி ஒதுக்கீடு செய்யப்பட்டுள்ளது என கோவை மாநகராட்சி ஆணையர் தெரிவித்துள்ளார்.

இதுகுறித்து கோவை மாநகராட்சி ஆணையர் கூறியதாவது:-

கோவை மாநகராட்சி போர்வெல் அமைப்பதற்கும் பழைய போர்வெல் போர்வெல் பழுதுபார்ப்பதற்கும் 10.7 கோடி ஒதுக்கீடு செய்யப்பட்டுள்ளது. இதில் 107 புதிய போர்வெல் அமைக்க 5.8 கோடி ஒதுக்கீடு செய்யப்பட்டுள்ளது, 169 போர்வெல் சுத்தம் செய்வதற்கு 1.69 கோடியும், 152 போர்வெல் பழுது பார்ப்பதற்கு 3.18 கோடியும் ஒதுக்கீடு செய்யப்பட்டுள்ளது என தெரிவித்தார்.