பணி நீக்கம் செய்வதை கண்டித்து, கோவை மாநகராட்சி ஒப்பந்த தூய்மைப் பணியாளர்கள் உள்ளிருப்பு போராட்டம்.

கோவை:கோவை மாநகராட்சியில் பணி புரியும் ஒப்பந்த தூய்மைப் பணியாளர்கள், இன்று காலை மேற்கு மண்டல சுகாதார அலுவலகம் முன்பு உள்ளிருப்பு போராட்டம் நடத்தினர்.



கோவை மாநகராட்சி பணி புரியும் ஒப்பந்த தூய்மைப் பணியாளர்கள் 7 பேரை பணியில் இருந்து நீக்கிய, சுகாதார ஆய்வாளர் மற்றும் சுகாதார மேற்பார்வையாளரை கண்டித்து, இன்று கோவை மேற்கு மண்டல அலுவலகம் முன்புதூய்மைப் பணியாளர்கள் உள்ளிருப்பு போராட்டம் நடத்தினர். 



இது குறித்து பேசிய தூய்மை பணியாளர் ஒருவர்: "கடந்த ஐந்தாண்டு காலம் தூய்மை பணியாளராக பணிபுரிந்து வந்த நிலையில், இன்றைக்கு பணிபுரிவதற்கு ஆட்கள் நிறைய இருப்பதால், உங்களுக்குஇங்கு வேலை இல்லை என்று மேற்கு மண்டல சுகாதார ஆய்வாளரும், சுகாதார மேற்பார்வையாளரும் தெரிவித்துள்ளனர். 

வேலையில் இருந்து தற்போது நீக்கப்பட்டுள்ள இந்த 7 துப்புறவு பணியாளர்களுக்கு மீண்டும் பணி வழங்ககோரி இந்த போராட்டம் நடைபெற்று வருவதாக தெரிவித்தார். மேலும், பணி நீக்கம் செய்யப்பட்டபணியாளர்களின் குடும்பங்களையும் கருத்தில் கொண்டு இவர்களுக்கு மீண்டும் பணி வழங்கிட வேண்டும்", என்று தெரிவித்தார்.