கோவை கிணத்துக்கடவு வட்டாரத்தில் சொட்டு நீர்ப்பாசனம் அமைக்க மானியம் - தோட்டக்கலைத்துறை தகவல்!

கோவை: கோவை கிணத்துக்கடவு வட்டாரத்தில் சொட்டு நீர்ப்பாசனம் அமைக்க மானியம் வழங்கப்படுவதாக தோட்டக்கலைத்துறை சார்பில் தகவல் தெரிவிக்கப்பட்டுள்ளது.

கோவை கிணத்துக்கடவு வட்டார தோட்டக்கலைத்துறை உதவி இயக்குனர் கோமதி வெளியிட்டுள்ள அறிக்கையில்.,

கிணத்துக்கடவு வட்டார பகுதியில் காய்கறிச் செடிகள், பழச்செடிகள் மருத்துவ பயிர்கள் மற்றும் தென்னை சாகுபடிக்கு சொட்டு நீர் பாசனம் தோட்டக்கலைத்துறை சார்பில் அமைக்கப்படுகிறது என்றும் சிறு குறு மற்றும் இதர விவசாயிக்கு சொட்டு நீர் பாசனம் அமைக்க மானியம் வழங்கப்படுகிறது என்றும் ஐந்து ஏக்கர் வைத்திருக்கும் சிறு குறு விவசாயிகளுக்கும், இதர விவசாயிகளுக்கு 12.5 ஏக்கருக்கு மானியம் வழங்கப்படுகிறது.



நடப்பாண்டில் சொட்டுநீர் பாசனம் அமைத்த பயனாளிகளுக்கு துணைநிலை நீர் சேமிப்பு திட்டத்தின் கீழ் மோட்டார் மற்றும் நீர் சேகரிப்பு தொட்டி அமைக்க 50 சதவீதம் மானியம் அனுமதிக்கப்படுகிறது என்றும் இந்த திட்டத்தில் பயன்பெற விரும்பும் விவசாயிகள் தங்கள் விளைநிலத்தில் சிட்டா, அடங்கல், ரேஷன் கார்டு, வங்கி சேமிப்பு கணக்கு புத்தகம் மற்றும் சிறு குறு விவசாயி சான்று, 3 பாஸ்போர்ட் அளவு போட்டோ ஆகியவற்றுடன் கிணத்துக்கடவு தோட்டக்கலை துறை அலுவலகத்தை அணுக வேண்டும்.

மேலும், விவரங்களுக்கு 9585098230, 9965562700 ஆகிய எங்களுக்கு தொடர்பு கொள்ளலாம் என்று அந்த அறிக்கையில் தெரிவிக்கப்பட்டுள்ளது