சென்னையில் கர்ப்பிணிப் பெண்களுக்கு கொரோனா தடுப்பூசி செலுத்தும் பணி தொடக்கம்; கோவையிலும் விரைவில் தொடங்கும் என தகவல்

கோவை: கர்ப்பிணி பெண்களும் கொரோனா தடுப்பூசி போட்டுக்கொள்ளலாம் என மத்திய அரசு அறிவித்துள்ளது. இதைத் தொடர்ந்து இன்று சென்னையில் கர்ப்பிணி பெண்களுக்கு தடுப்பூசி போடும் பணி தொடங்கியுள்ளது.

கர்ப்பிணி பெண்களும் கொரோனா தடுப்பூசி போட்டுக்கொள்ளலாம் என மத்திய அரசு அறிவித்துள்ளது. இதைத் தொடர்ந்து இன்று சென்னையில் கர்ப்பிணி பெண்களுக்கு தடுப்பூசி போடும் பணி தொடங்கியுள்ளது.

இனி படிப்படியாக ஒவ்வொரு மாவட்டமாக கர்ப்பிணிப் பெண்களுக்கு தடுப்பூசி போடும் பணி நடைபெறும் என சுகாதாரத்துறை தெரிவித்துள்ளது.

இந்தியாவில் இதுவரை கோவிஷீல்டு மற்றும் கோவாக்சின் ஆகிய தடுப்பூசிகள் மக்களுக்கு போடப்பட்டு வருகின்றன. முதலில் பாலூட்டும் தாய்மார்களுக்கு போடப்படாமல் இருந்த நிலையில், பின்னர் அதற்கு அனுமதி அளிக்கப்பட்டது. அதேபோல, இப்போது கர்ப்பமாக இருக்கும் பெண்களும் தடுப்பூசி போட்டுக்கொள்ளலாம் என அறிவிக்கப்பட்டுள்ளது. இதையடுத்து தமிழகத்தின் தலைநகர் சென்னையில் தடுப்பூசி போடும் பணிகள் துரிதமாக நடந்து வருகின்றன.