தமிழக அரசு அறிவித்த உதவித்தொகை முதல் கட்டமாக வால்பாறை நியாயவிலை கடைகளில் திமுக நிர்வாகிகள் வழங்கினர்..!

கோவை: கோவை வால்பாறையில், கொரோனா தடுப்பு நடவடிக்கையாக தமிழக அரசு அறிவித்த உதவித்தொகை முதல் கட்டமாக வால்பாறை நியாயவிலை கடைகளில் திமுக நிர்வாகிகள் வழங்கினர்.

தமிழக முதலமைச்சர் மு.க.ஸ்டாலின் தேர்தல் அறிக்கையில், கொரோனா பெருந்தொற்று நிவாரணமாக ரூ.4000 வழங்குவதென்றும், முதல் தவணையாக ரூ.2000 வழங்குவதாகவும் அறிவித்ததில் முதல் தவணை வால்பாறை நகரத்தில் பொறுப்பாளர் த.பால்பாண்டி தலைமையில், முன்னாௐள் நகராட்சித் தலைவர் கோழி கடை கணேஷ் முன்னிலையில் வால்பாறை பகுதியில் இன்று தொடங்கி வைத்தனர்.

கோவை மாவட்டம் வால்பாறையில் சுமார் 48 நியாயவிலைக் கடைகள் உள்ளது. வால்பாறையில் 17663 அரிசி ரேஷன் அட்டைதாரர்கள் உள்ளனர். இவர்களுக்கு முதல் கட்டமாக இன்று நியாயவிலைக் கடைகளில் வழங்கப்பட்ட டோக்கன் மூலம் ரூ.2000 வழங்கப்பட்டது. வால்பாறை 8வது வார்டு 10வது வார்டு மற்றும் 9 வது வார்டு நியாயவிலை கடைகளில் திமுக நகர பொறுப்பாளர் பால்பாண்டி தலைமையில் வழங்கப்பட்டது. மாவட்ட வர்த்தக அணி துணை அமைப்பாளரான பாஸ்கர், நகர பொருளாளரான செல்வம், நகர துணை செயலாளரான செந்தில், வடை கடை குட்டி, மணிகண்டன், ஜெயராமன், வெங்கடேஷ் பொன்னுசாமி போன்ற திமுக நிர்வாகிகள் கலந்து கொண்டனர்.