கோவையில் ஓட்டலில் புகுந்து தாக்குதல் நடத்திய எஸ்.ஐ. பணியிடை நீக்கம் - காவல் ஆணையர் உத்தரவு!

கோவை: கோவையில் ஓட்டலில் சாப்பிட்டுக் கொண்டிருந்தவர்கள் மீது தாக்குதல் நடத்திய எஸ்.ஐ.முத்து நள்ளிரவு பணியிடை நீக்கம் செய்யப்பட்டார்.

கோவை காந்திபுரம் மத்திய பேருந்து நிலையத்தில் உள்ள ஓட்டல் ஒன்றில் கிருஷ்ணகிரி மாவட்டம் ஓசூரை சேர்ந்த பெண்கள் உட்பட 5 பேர் நேற்று முன்தினம் இரவு 10 .15 மணி அளவில் உணவு சாப்பிட்டுக் கொண்டிருந்தனர்.

அப்போது, அங்கு ரோந்து பணி மேற்கொண்டு இருந்த காட்டூர் எஸ்.ஐ முத்து ஓட்டலுக்குள் புகுந்து லத்தியால் தாக்கியதில் அங்கிருந்த கடை ஊழியர்கள் பெண் உட்பட 5 பேர் காயமடைந்தனர். இக்காட்சிகள் அனைத்தும் அங்குள்ள கண்காணிப்பு கேமராவில் பதிவாகி இருந்தது.

இது குறித்து விசாரணை நடத்தப்பட்டு எஸ்.ஐ. ஆயுதப்படைக்கு மாற்றப்பட்டார். நிலையில் நேற்று இரவு அவரை பணியிடை நீக்கம் செய்து மாநகர போலீஸ் கமிஷனர் டேவிட்சன் தேவாசீர்வாதம் உத்தரவிட்டார்.