அமுல் கந்தசாமிக்கு வால்பாறை நகர அதிமுகவினர் தீவிர வாக்கு சேகரிப்பு!

வால்பாறை; வால்பாறை தனி தொகுதி அதிமுக வேட்பாளர் அமுல் கந்தசாமிக்கு அவரது கட்சியின் நிர்வாகிகள் தீவிர வாக்குச்சேகரிப்பில் ஈடுபட்டனர்.

கோவை மாவட்டம் வால்பாறை தனி தொகுதியின் அதிமுக வேட்பாளராக அமுல் கந்தசாமி போட்டியிடுகிறார்.



பரப்புரை முடிவடைவதற்கு இன்னும் சில நாட்களே உள்ள நிலையில் வால்பாறை நகர அதிமுகவினர் அமுல் கந்தசாமிக்கு ஆதரவாக வால்பாறை நகரம், நகை கடை வீதி,தபால் நிலைய வீதி, புது மார்க்கெட், மீன் கடை வளாகம் மற்றும் நகராட்சி குடியிருப்பு பகுதிகளில் வீடு வீடாகச் சென்று துண்டுப் பிரசுரங்களை வழங்கி ஆதரவு திரட்டினர்.

மேலும் இப்பகுதிகளில் அதிமுக கொடியை ஏந்தியபடி சென்றும் அதிமுகவிற்கு வாக்களிக்கும்படி அவர்கள் வேண்டுகோள் விடுத்தனர். வால்பாறை நகர வார்டு செயலாளர் எம் ஆர் எஸ் மோகன், இளைஞரணி செயலாளர் கண்ணன் யாதவ் மற்றும் ஏராளமான தொண்டர்கள் வாக்கு சேகரிப்பில் ஈடுபட்டனர்