கோவைக்கு 33 நடமாடும் ரேசன் கடைகள் ஒதுக்கீடு

கோவை: கோவை மாவட்டத்துக்கு 33 நடமாடும் ரேசன் கடைகள் ஒதுக்கீடு செய்யப்பட்டுள்ளன, என அதிகாரிகள் தகவல் தெரிவித்துள்ளனர்.

தமிழகம் முழுவதும் 3,501 நடமாடும் ரேசன் கடை திட்டத்தை தமிழக முதல்வர் எடப்பாடி பழனிசாமி தலைமை செயலகத்தில் இருந்து காணொலி காட்சி மூலம் கடந்த திங்கள்கிழமை துவக்கி வைத்தார். இதில், கோவை மாவட்டத்துக்கு 33 ரேசன் கடைகள் ஒதுக்கீடு செய்யப்பட்டுள்ளன.

இது குறித்து மாவட்ட நிர்வாக அதிகாரி ஒருவர் கூறுகையில்:

கோவை மாவட்டத்தில் ஆனைமலை வட்டத்தில் 13, கிணத்துக்கடவு வட்டத்தில் 9, பொள்ளாச்சி வட்டத்தில் 5, அன்னூர் வட்டத்தில் 2, மேட்டுப்பாளையம், வால்பாறை, மதுக்கரை, உதவி பங்கீட்டு சரகம்1-ல் தலா 1 கடைகள் வீதம் மொத்தம் 33 நடமாடும் ரேசன் கடைகள் ஒதுக்கீடு செய்யப்பட்டுள்ளன. இந்த நகரும் ரேசன் கடைகளின் கீழ் 3 ஆயிரத்து 703 குடும்ப அட்டைகள் இணைக்கப்பட்டுள்ளன. மலைவாழ் குடியிருப்புகள், ரேசன் கடைகள் தூரமாகவுள்ள பகுதிகளுக்கு இந்த நடமாடும் கடைகள் ஒதுக்கீடு செய்யப்பட்டுள்ளன. 

கோவைக்கு ஒதுக்கீடு செய்யப்பட்டுள்ள 33 நடமாடும் ரேசன் விலைக் கடைகளும் விரைவில் செயல்பாட்டுக்கு கொண்டுவரப்படும், என்றார்.