கோவையில் தட்டி கிளப்பிய பருவ மழை; ஒரே நாளில் 602 மிமீ மழை பதிவு

கோவை: கோவை மாவட்டம் முழுவதும் கடந்த சில நாட்களாக தென்மேற்கு பருவமழை தீவிரம் அடைந்துள்ள நிலையில், நேற்று ஒரே நாளில் மாவட்டத்தில் 602 மிமீ மழை பதிவாகியுள்ளது.

கோவையில் நேற்று மதியம் முதல் கார்மேகங்கள் சூழ்ந்து காணப்பட்டது. கோவையை சுற்றியுள்ள பல பகுதிகளில் -- 

வால்பாறை, சேத்துமடை, பொள்ளாச்சி, கிணத்துக்கடவு, செட்டிபாளையம், காரமடை, பெரியநாயக்கன்பாளையம், மேட்டுப்பாளையம் போன்ற பகுதிகளில் நேற்று மாலை பெய்ய ஆரம்பித்த மழை விட்டுவிட்டு, இன்று அதிகாலை வரை பெய்துள்ளது.

இதனால் மாவட்டத்தின் பல்வேறு இடங்களிலும் நீர் தேங்கிய படு உள்ளது. குறிப்பாக, புறநகர் பகுதிகளான காரமடை, பெரியநாயக்கன்பாளையம், மேட்டுப்பாளையம் உள்ளிட்ட பல்வேறு இடங்களில் சாலைகளில் தண்ணீர் வெள்ளம் போல் பெருக்கெடுத்து ஒடியது.

தீவிரம் அடைந்துள்ள தென்மேற்கு பருமழை காரணமாக நொய்யல் ஆறு, கோவை குற்றாலம் ஆகியவற்றில் நீர் வரத்து அதிகரித்து காணப்பட்டது. 

நேற்று கோவையில் பெய்த மழை அளவு விவரம்: ( மி.மீ) 

கோவை விமான நிலையம்-14.7 

அன்னூர் 4 

மேட்டுப்பாளையம்-33.2 

சிங்கோனா - 52 

சின்னகல்லார்-110 

வால்பாறை பி.ஏ.பி.-56

வால்பாறை தாலுகா-55சோலையாறு-66 

ஆழியாறு 54.6 

பொள்ளாச்சி 41

சூலூர்-55 

கோவை தெற்கு-27 பெரியநாயக்கன்பாளையம்-22.6 வேளாண்மை பல்லைக்கழகம்- 11.5 மி.மீ, என ஒரே நாளில் 602.6 மிமீ மழை பெய்துள்ளது.