கோவை: கோவையில் இந்து கோவில்களின் மீது மர்ம நபர்கள் தீ வைத்த சம்பவத்திற்கு எதிர்ப்பு தெரிவித்து இந்து முன்னணி, பாஜக உள்ளிட்ட பல்வேறு அமைப்பினர் ஒன்றுகூடியதால் பரபரப்பு ஏற்பட்டுள்ளது.
கோவை: கோவையில் இந்து கோவில்களின் மீது மர்ம நபர்கள் தீ வைத்த சம்பவத்திற்கு எதிர்ப்பு தெரிவித்து இந்து முன்னணி, பாஜக உள்ளிட்ட பல்வேறு அமைப்பினர் ஒன்றுகூடியதால் பரபரப்பு ஏற்பட்டுள்ளது.
கோவை டவுன்ஹால் பகுதியில் உள்ள மாகாளியம்மன் கோவிலில் மர்ம நபர்கள் தீ வைத்த சம்பவத்தை தொடர்ந்து, ரயில்நிலையம் முன்பு உள்ள விநாயகர் கோவில், நல்லாம் பாளையத்திலுள்ள செல்வ விநாயகர் கோவில் ஆகிய கோவில்களிலும் தீ வைத்துள்ளனர். இதற்கு இந்து அமைப்பினர் கடும் எதிர்ப்பு தெரிவித்து கோவில்களின் முன்பு ஒன்று கூடினர்.
இதை தொடர்ந்து, டவுன்ஹால் பகுதியில் ஒன்றுகூடிய இந்து அமைப்பினர் கோவில்களில் சமூக விரோதிகள் தீ வைத்த சம்பவத்திற்கு கண்டனம் தெரிவித்துள்ளனர். ஏற்கனவே இந்துக்களின் மனம் புண்பட்டு உள்ளதெனவும் தொடர்ந்து கோவையில் இதுபோன்ற செயல்கள் அரங்கேறி வருவதாகவும் குற்றம்சாட்டினர்.
இதுகுறித்து இந்து முன்னணியின் நிர்வாகி குணா கூறும்போது;-
இந்து கோயில்களின் மீது நடைபெறும் தாக்குதல்களில் கைது செய்தவர்களை போலீசார் மனநோயாளிகள் என தெரிவிக்கின்றனர். இது ஏற்றுக்கொள்ளக் கூடியது அல்ல என்றார்.
மேலும், போலீசார் குற்றவாளிகளை 24 மணி நேரத்துக்குள் கைது செய்ய வேண்டும். அதற்கான அவகாசத்தை தருகிறோம். இல்லையென்றால் இந்துக்களை ஒன்றுதிரட்டி போராட்டம் நடைபெறும் என்று தெரிவித்தார்.