கோவை துடியலூர் காவல் நிலைய காவலர்கள் மேலும் இருவருக்கு கொரோனா தொற்று!

கோவை: கோவை துடியலூர் காவல்நிலையத்தை சேர்ந்த மேலும் 2 காவலர்களுக்கு கொரோனா தொற்று உறுதி செய்யப்பட்டுள்ளது.

கடந்த 5 நாட்களுக்கு முன்பு துடியலூர் காவல்நிலையத்தை சேர்ந்த 31 காவலர்களுக்கு கொரோனா தொற்று பரிசோதனை மேற்கொள்ளப்பட்டது.

இதில், கோவை துடியலூர் காவல் நிலையத்தில் ஒரு பெண் காவலர் உட்பட 5 பேருக்கு கொரோனா தொற்று உறுதி செய்யப்பட்டது. இதையடுத்து, 5 காவலர்களும் சிகிச்சைக்காக கோவை இ.எஸ்.ஐ மருத்துவமனையில் சிகிச்சை பெற்று வருகின்றனர்.

இதனை தொடர்ந்து, காவல் நிலையம் மூடப்பட்டுள்ளது. மேலும், தனியார் திருமண மண்டபத்தில் தற்காலிகமாக காவல் நிலையம் செயல்பட்டு வருகிறது.

இதனிடையே, துடியலூர் காவல்நிலையத்தில் உள்ள அனைவருக்கும் கொரோனா தொற்று பரிசோதனை மேற்கொள்ளப்பட்டது.

இந்த நிலையில், பரிசோதனை முடிவில் கோவை துடியலூர் காவல்நிலையத்தை சேர்ந்த மேலும் 2 காவலர்களுக்கு கொரோனா தொற்று உறுதி செய்யப்பட்டுள்ளது.

இதன் மூலம், துடியலூர் காவல் நிலையத்தில் கொரோனா தொற்று உறுதி செய்யப்பட்டவர்களின் எண்ணிக்கை 7 ஆக அதிகரித்துள்ளது.