நீலகிரி: நீலகிரி மாவட்டம் உதகையில் 40 ஏக்கர் பரப்பளவில் ரூ.447.32 கோடி மதிப்பில் மருத்துவக் கல்லூரி அமைப்பதற்கான திட்டத்திற்கான அடிக்கல்லை இன்று முதலமைச்சர் எடப்பாடி கே. பழனிச்சாமி காணொளி காட்சி மூலம் துவக்கி வைத்தார்.
நீலகிரி: நீலகிரி மாவட்டம் உதகையில் 40 ஏக்கர் பரப்பளவில் ரூ.447.32 கோடி மதிப்பில் மருத்துவக் கல்லூரி அமைப்பதற்கான அடிக்கல் நாட்டு திட்டத்தினை தமிழக முதலமைச்சர் எடப்பாடி கே. பழனிச்சாமி காணொளி காட்சி மூலம் பணிகளை தொடங்கி வைத்தார்.
மலைகளின் இளவரசி என்றழைக்கப்படும் நீலகிரி மாவட்ட மக்களின் கனவான மருத்துவக் கல்லூரிக்கு தமிழக முதலமைச்சர் இன்று சென்னை தலைமை செயலகத்திலிருந்து காணொளி காட்சி மூலம் அடிக்கல் நாட்டினார்.
நீலகிரி மாவட்டம் சர்வதேச சுற்றுலா தலமாக விளங்கும் உதகைக்கு பல்வேறு பகுதிகளிலிருந்து சுற்றுலா பயணிகள் அதிகமாக வருகை புரிவார்கள். மேலும் அதிகளவிலான ஏழை, எளிய தேயிலை தோட்ட பணியாளர்கள் மற்றும் விவசாயி தொழிலாளர்கள் நிறைந்த மாவட்டமாகும்.
மேலும், இம்மாவட்டத்திற்கு வரும் சுற்றுலா பயணிகளும், பொது மக்களும் தங்களின் மருத்துவ உயர் சிகிச்சை பெறுவதற்கும், மற்றும் மாணவ மாணவிகள் மருத்துவ கல்வியை பெறுவதற்கு, அண்டை மாவட்டமான கோவை அல்லது கேரளா செல்ல வேண்டிய நிலை நீடித்து வருகிறது.
இந்நிலையில், உதகை அருகே பிங்கர் போஸ்ட் பகுதியில் வனத்துறையிடமிருந்து 25 ஏக்கர் நிலமும் மற்றும் கால்நடை பராமரிப்பு துறையிடமிருந்து 15 ஏக்கர் நிலமும் பெறப்பட்டு, மொத்தம் 40 ஏக்கர் பரப்பளவில் ரூபாய் 447 கோடியே 32 லட்சம் மதிப்பில் நிதி ஒதுக்கீடு செய்து, உயர் சிகிச்சை பெரும் வகையில் மருத்துவக் கல்லூரி அமைக்க முடிவு எடுக்கப்பட்டது.
அதன்படி, இன்று தமிழக முதல்வர் காணொளி காட்சி மூலம் இன்று அந்த புதிய மருத்துவ கல்லூரிக்கான அடிக்கல்லை காணொளி காட்சி மூலம் துவக்கி வைத்தார்.
குறிப்பாக, அதிநவீன தொழில் நுட்பங்களுடன் கூடிய மருத்துவ கருவிகள், மருத்துவர்கள் குடியிருப்பு வளாகம், மாணவர்கள் கல்வி கற்கும் மருத்துவக் கல்லூரி வளாகம் மற்றும் 108 வாகனங்களுக்கான கட்டுப்பாட்டு அறை உள்ளிட்ட அனைத்து வசதிகளுடன் இந்த புதிய மருத்துவ கல்லூரி மற்றும் மருத்துவமனை அமையவுள்ளது. இதற்கு நீலகிரி மாவட்ட பொது மக்கள் தமிழக அரசிற்கு நன்றி தெரிவித்தனர்.
இந்த நிகழ்ச்சியில் சட்டமன்ற உறுப்பினர்கள் மற்றும் அரசு துறை அதிகாரிகள் கலந்து கொண்டனர்.