கோவை: கேரளாவில் இருந்து பணிக்கு திரும்பும் ஊழியர்களை மருத்துவ பரிசோதனை செய்து தனிமைப்படுத்தப்பட வேண்டும் என நாம் தமிழர் கட்சியினர் கோவை மாவட்ட ஆட்சியரிடம் மனு அளித்தனர்.
கோவை: கேரளாவில் இருந்து பணிக்கு திரும்பும் ஊழியர்களை மருத்துவ பரிசோதனை செய்து தனிமைப்படுத்தப்பட வேண்டும் என நாம் தமிழர் கட்சியினர் கோவை மாவட்ட ஆட்சியரிடம் மனு அளித்தனர்.
கோவை உள்ளிட்ட தமிழகத்தில் உள்ள ரயில் நிலையங்களில் கேரள மாநிலத்தை சேர்ந்த ஊழியர்கள் ஏராளமானோர் பணி புரிந்து வருகின்றனர். இந்நிலையில், கேரள மாநிலத்தில் உள்ள ரயில்வே ஊழியர்களை பணிக்கு அழைத்து வர கேரள மாநிலம் எர்ணாகுளத்தில் இருந்து இருந்து கோவைக்கு ஊழியர் சிறப்பு ரயிலானது இயக்கப்படுகின்றது.
இந்த நிலையில், கோவை மாவட்ட ஆட்சித்தலைவரிடம் நாம் தமிழர் கட்சியின் மண்டல செயலாளர் தமிழ்செல்வன் தலைமையில் அக்கட்சியினர் கேரளாவில் இருந்து ரயிலில் வரும் அனைத்து கேரள மாநிலத்தை சேர்ந்த ரயில்வே ஊழியர்களுக்கும் முழுமையான கொரோனா பரிசோதனை செய்து அவர்களை பதினைந்து நாட்கள் தனிமைபடுத்தி பின்னர் பணியில் சேர அனுமதிக்க வேண்டும் என வலியுறுத்தி மனு அளித்தனர்.
கேரளாவில் இருந்து வருவதால் ரயில்வே ஊழியர்களுக்கு முழுபரிசோதனை நடத்தப்பட வேண்டும் எனவும், ஆனால் அதை செய்யும் திட்டத்தில் தமிழக அரசும், சேலம் ரயில்வே கோட்டமும் இல்லை எனவும் அவர்கள் தெரிவித்தனர்.
மேலும், கொரோனா தொற்று பரிசோதனை செய்யப்பட வில்லை எனில் மீண்டும் கோவையில் கொரோனா பரவல் ஏற்பட வாய்ப்பு இருப்பதாகவும், தமிழக அரசு இதில் தலையிட்டு கேரளாவில் கோவைக்கு வரும் ரயில்வே ஊழியர்கள் அனைவருக்கும் சோதனை நடத்திட வேண்டும் எனவும் வலியுறுத்தினர்.