வன உதவி பாதுகாவலராகிறார் கோவையைச் சேர்ந்த மாணவி

கோவை : கோவை மாவட்ட வன உதவி பாதுகாவலராக கோவையைச் சேர்ந்த இளம் மாணவி பொறுப்பேற்க உள்ளார்.

கோவை ரேஸ்கோர்ஸ் பகுதியை சேர்ந்தவர் ஏ. ஷர்மிளி. இவர் கடந்த 2016-ம் ஆண்டு பொறியியல் பட்டப்படிப்பை முடித்தார். பின்னர், தமிழக அரசின் தேர்வுத்துறை இயக்குநரகம் சார்பில் நடத்தப்பட்ட சிவில் சர்வீஸஸ் தேர்வு எழுதினார். அதில், மாநில அளவில் 6-வது இடத்தை பிடித்தார். பின்னர், தமிழக வனத்துறையில் காலியாக உள்ள வன ரேஞ்சர் மற்றும் உதவி வன பாதுகாவலர் பதவிகளுக்கு தேர்ச்சி பெற்றவர்களை பணியமர்த்த முடிவு செய்யப்பட்டது. அதன்படி, மாநிலத்தில் மொத்தம் 14 பேர் இந்தப் பணிகளுக்கு தேர்வாகியுள்ளனர். அவர்களில் கோவையில் இருந்து தேர்வு செய்யப்பட்ட ஒரே பெண் ஏ.ஷர்மிளி ஆவார். இந்தப் பதவிக்கு அவர் தேர்வு செய்யப்பட்டிருந்தாலும், இன்னும் அவர் வன உதவி பாதுகாவலராக நியமிக்கப்படவில்லை.