இன்று முதல் கோவையில் போக்குவரத்து மாற்றம்

கோவை : கோவையில் சாலை சீரமைப்பு பணி காரணமாகப் போக்குவரத்து மாற்றம் செய்யப்பட்டுள்ளது. 

கோவை மாநகரம், மில் ரோடு சுக்கிரவார்பேட்டை ஜங்ஷனில் இருந்து, காந்தி பார்க் செல்லும் சாலையில் முருகன் கோவில் முன்பாக சாலை சீரமைக்கும் பணி நடைபெற இருக்கிறது. இதனால், இன்று (01/02/2019) முதல் அவ்வழியாக, வாகனங்கள் இயக்க அனுமதி இல்லை. 

ஆகையால், மில் ரோட்டிலிருந்து காந்தி பார்க், வடவள்ளி, செல்லும் வாகனங்கள் அனைத்தும் பூமார்க்கெட் வழியாக டி.பி. ரோடு ஆர். எஸ். புரம் சென்று காந்தி பார்க் செல்ல வேண்டும்.

காந்தி பார்க்கிலிருந்து புறப்பட்டு தெலுங்கு வீதி, தேர்முட்டி வழியாக டவுன்ஹால் வழியாகச் செல்லும்.

மேலும், 7ம் நம்பர் பேருந்துகள் நாளை முதல் சாலை சீரமைக்கும் பணி முடியும் வரை பூமார்க்கெட் வழியாகச் செல்லும்.