தடை செய்யப்பட்ட பிளாஸ்டிக் பொருட்கள் மற்றும் அதன் மாற்று என்னென்ன தெரியுமா?

ஜனவரி 1 -ம் தேதி முதல் தடை செய்யப்பட்ட பிளாஸ்டிக் பொருட்கள் மற்றும் அதன் மாற்றுப் பொருட்களின் பட்டியலைக் காணலாம்.

ஒவ்வொரு வருடமும் ஜூன் 5 -ம் தேதி உலக சுற்றுச்சூழல் நாள் உலகமெங்கும் கொண்டாடப்படுகிறது. அதில் ஏற்றுக் கொள்ளப்பட்ட பிளாஸ்டிக் மாசுபாட்டை முறியடிப்போம் என்ற கருப்பொருளின் அடிப்படையில், சட்டப்பேரவையில், விதி எண் 110-ன் கீழ் முதல்வர் பழனிசாமி அறிக்கை ஒன்றை வாசித்தார். 

அதன்படி, 2019-ம் ஆண்டு முதல் மக்காத பிளாஸ்டிக் பொருள்கள் பயன்படுத்த, உற்பத்தி செய்ய தடை விதிக்கப்படும். இந்த தடையை அடுத்து பால், தயிர், எண்ணெய், மருத்துவப் பொருள்களுக்கு மட்டும் பிளாஸ்டிக் தயாரிக்கலாம். பிளாஸ்டிக் கவர், பிளாஸ்டிக் குடம், பிளாஸ்டிக் பாட்டில்களுக்கும் தமிழகத்தில் ஜனவரி 1 முதல் தடை விதிக்கப்படும். 

இதற்கிடையில், கடந்த ஜூன் மாதம் 25 -ம் தேதி சுற்றுச்சூழல் மற்றும் வனப்பாதுக்காப்புத்துறை பிளாஸ்டிக் தடை உத்தரவை வெளியிட்டுள்ளது. 

தடைசெய்யப்பட்ட பிளாஸ்டிக் பொருட்கள் : 

1) விசேஷங்களில் உணவு மேசையில் விரிக்கப்படும் பிளாஸ்டிக் தாள்கள் 

2) உணவு பதார்த்தங்களை பொட்டலமிடும் மெல்லிய பிளாஸ்டிக் தாள்கள்

3) பிளாஸ்டிக் தெர்மாகோல் தட்டு 

4) பிளாஸ்டிக் முலாம் பூசிய தட்டு 

5) பிளாஸ்டிக் டீ கப்

6) பிளாஸ்டிக் டம்ளர் 

7) தெர்மாகோல் டம்ளர் 

8) பிளாஸ்டிக் முலாம் பூசிய டம்ளர் 

9) பாலீத்தீன் பைகள் 

10) பாலீத்தீன் முலாம் பூசிய பைகள் 

11) நெய்யப்படாத பிளாஸ்டிக் பைகள் 

12) தண்ணீர் பாக்கெட்கள்

13) பிளாஸ்டிக் ஸ்ட்ரா

14) பிளாஸ்டிக் கொடி 

பிளாஸ்டிக் பொருளுக்கு மாற்றானவை : 

1) வாழை இலைகள் மற்றும் பாக்கு இலைகள் 

2) அலுமினிய தகடுகள் 

3) தாமரை இலைகள் 

4) காகித சுருள்கள் 

5) மூங்கில் மற்றும் மர சாமான்கள் 

6) உலோக டம்ளர்கள் 

7) காகித மற்றும் துணியினாலான கொடிகள் 

8) மண்பாண்டங்கள் 

9) துணியினாலான பைகள் 

10) செராமிக் பொருட்கள்

11) காகித ஸ்ட்ரா 

12) பிளாஸ்டிக் அல்லாத சமையல் உபகரணங்கள்