கோவை: குற்றவாளிகளை கோர்ட்டில் ஆஜர்படுத்தி விட்டு கோவை நோக்கி வந்து கொண்டிருந்த போலீஸ் வாகனத்தில் மோதி கணவர் பலியானார். மனைவிக்கு கோவை அரசு மருத்துவமனையில் சிகிச்சை அளிக்கப்பட்டு வருகிறது.
கோவை: குற்றவாளிகளை கோர்ட்டில் ஆஜர்படுத்தி விட்டு கோவை நோக்கி வந்து கொண்டிருந்த போலீஸ் வாகனத்தில் மோதி கணவர் பலியானார். மனைவிக்கு கோவை அரசு மருத்துவமனையில் சிகிச்சை அளிக்கப்பட்டு வருகிறது.
திருப்பூர் சாமலாபுரத்தை சேந்தவர் நடராஜன். இவரும் இவருடைய மனைவி தேவியும் கணியூர் சுங்கச்சாவடி வழியாக இரு சக்கர வாகனத்தில் ஒருவழிப்பாதையில் வந்து கொண்டிருந்தனர்.
அப்போது திருப்பூர் நீதிமன்றத்தில் குற்றவாளியை ஆஜர்படுத்திவிட்டு கோவை நோக்கி வந்து கொண்டிருந்த போலீஸ் வாகனம் அவர்கள் மீது எதிர்பாராத விதமாக மோதியது. இதில் தம்பதிகள் இருவரும் படுகாயமடைந்தனர்.
இதை பார்த்த பொதுமக்கள், விபத்துக்குள்ளானவரை காப்பாற்ற சுங்கச்சாவடி ஆம்புலன்சுக்கு தகவல் கொடுத்தனர். பின்னர் வந்த சுங்கச்சாவடி ஆம்புலன்ஸ் நடராஜனை அரசு மருத்துவமனைக்கு அழைத்துச் சென்று கொண்டிருந்தனர். ஆனால், நடராஜன் மருத்துவமனைக்கு போகும் வழியிலேயே உயிரிழந்துவிட்டார்.
ஆபத்தான சூழலில் இருந்த தேவி 108 ஆம்புலன்ஸ் மூலம் கோவை அரசு மருத்துவமனைக்குக் கொண்டு செல்லப்பட்டார். தற்போது அவருக்கு தீவிர சிகிச்சை அளிக்கப்பட்டு வருகிறது.