கோவை மாவட்டத்தில் நேற்று பெய்த மழை அளவு மற்றும் அணைகளின் நிலவரம்

கோவை: கோவை மாவட்டத்தில் நேற்று பெய்த மழை அளவை மாவட்ட நிர்வாகம் வெளியிட்டுள்ளது. அதன் விவரம் பின்வருமாறு:- 

மழை அளவு

பீளமேடு 0.60 மி.மீட்டர், பொள்ளாச்சி 3 மி.மீட்டர், பெரியநாயக்கன்பாளையம் 4 மி.மீட்டர், வேளாண் பல்கலை., 0.20 மி.மீட்டர், சின்கோனா 72 மி.மீட்டர், வால்பாறை 18 மி.மீட்டர், சின்னகல்லார் 53 மி.மீட்டர், நீராரர் அணை 49 மி.மீட்டர், சோலையார் அணை 47 மி.மீட்டர் மழை பதிவாகியுள்ளது. மாவட்டத்தில் நேற்று ஒரு நாளில் சராசரியாக 12.73 மி.மீட்டர் மழை பதிவாகியுள்ளது.

நீராரர் அணை அணையின் நீர் வரத்து 861.34 கன அடியாக உள்ள நிலையில், அதே அளவு நீர் வெளியேற்றப்பட்டு வருகிறது. சோலையார் அணைக்கு நீர் வரத்து 2231.48 கன அடியாக உள்ளது. அந்த அணையின் நீர்மட்டம் தற்போது அதன் முழு கொள்ளளவான 160 அடியை எட்டியுள்ளது. அங்கிருந்து 1016.78 கன அடி விடுவிக்கப்பட்டு பைபாஸ் வழியாகவும், சேடல் வழியாக 353.01 கன அடி பரம்பிகுளம் அணைக்கும், 368.06 கன அடி சோலையார் பவர்ஹவுஸ் வழியாக மின் உற்பத்திக்கு அனுப்பப்பட்ட பின்னர் கேரளா செல்கிறது.