தமிழத்திற்கு 31 டி.எம்.சி., தண்ணீர் திறக்க கர்நாடகாவிற்கு உத்தரவு

காவிரியில் இருந்து தமிழகத்திற்கு ஜுலை மாதம் பங்காக 31 டி.எம்.சி., திறந்து விட வேண்டும் என கர்நாடகாவிற்கு காவிரி மேலாண்மை ஆணையம் உத்தரவிட்டுள்ளது. 

காவிரி மேலாண்மை ஆணையத்தின் முதல் கூட்டம் டெல்லியில் இன்று காலை 10.30 மணிக்கு தொடங்கியது. ஆணையத்தின் தலைவர் மசூத் அஷார் தலைமையில் இந்தக் கூட்டம் நடைபெற்றது. 

இதில், தமிழகம், கர்நாடகா, கேரளா மற்றும் புதுச்சேரி என 4 மாநில உறுப்பினர்கள் பங்கேற்றனர். கூட்டத்தில் நதிநீர் பங்கீடு தொடர்பாக தீவிரமாக விவாதிக்கப்பட்டது. அப்போது, உச்சநீதிமன்றம் பிறப்பித்த இடைக்கால உத்தரவுகளின்படி, கர்நாடகா தண்ணீர் திறக்கவில்லை என தமிழகத்தின் சார்பில் பங்கேற்ற பிரதிநிதிகள் எடுத்துரைத்தனர். டெல்டா சாகுபடி விவரம், குடிநீர் தேவை என அனைத்து அம்சங்களும் முன்வைக்கப்பட்டது. கூட்டத்தின் முடிவில் ஜூலை மாத பங்காக தமிழகத்துக்கு 31 டிஎம்சி தண்ணீரை கர்நாடகா திறக்க வேண்டும் என உத்தரவிடப்பட்டது.