கோவை தெற்கு ஆர்டிஓ-வில் ”D” வரிசை வாகன பதிவு தொடக்கம்

கோவை, டிசம்பர் 29

கோவை தெற்கு ஆர்டிஓ-வில் ”D” வரிசையில் வாகனங்கள் பதிவு செய்வது தொடங்கியுள்ளது.

தமிழகத்தில் உள்ள வாகனங்களுக்கு மாவட்டங்கள் மற்றும் போக்குவரத்து பிரிவுகள் அடிப்படையில் பதிவெண்கள் வழங்கப்படுகிறது. தமிழகத்தில் பதிவு செய்யப்படும் அனைத்து வாகனங்களின் பதிவெண்களும் "TN-NN X NNNN" என்ற வடிவில் உள்ளன. TN என்ற எழுத்து முன்னொட்டு அனைத்து தமிழக வாகனங்களுக்கும் பொதுவானது. இதையடுத்து வரும் இரு எண்கள் வாகனம் பதிவு செய்யப்படும் மாவட்டம் மற்றும் சாலைப் போக்குவரத்து அலுவலகத்தைப் பொறுத்து மாறும்.

கோவை மாவட்டத்தில், கோவை தெற்கு பகுதிக்கு TN-37, கோவை வடக்கு பகுதிக்கு TN-38, கோவை மேற்கு பகுதிக்கு TN-39, மேட்டுப்பாளையத்திற்கு TN-40, பொள்ளாச்சிக்கு TN-41 ஆகிய எண்களின் அடிப்படையில் வாகனங்கள் பதிவு செய்யப்படுகிறது.

இந்த நிலையில், கோவை தெற்கு ஆர்டிஓ-வில் ”D” வரிசையில் வாகனங்கள் பதிவு செய்வது தொடங்கியுள்ளது. தற்போது, பேன்ஸி எண்களைத் தவிர்த்து 4 ஆயிரத்திற்கும் மேற்பட்ட வாகனங்கள் பதிவு செய்யப்பட்டுள்ளது. கோவை தெற்கு பிராந்திய போக்குவரத்து அலுவலகம் முதன் முதலில் ”D” வாகனங்களைப் பதிவு செய்வது குறிப்பிடத்தக்கது.