கோவை, நவம்பர் 10
கோவை யுனைடெட் ரவுண்ட் டேபிள் சார்பில் குழந்தைகளுக்கான இலவச மருத்துவ முகாம் நாளை நடக்கிறது.
கோவை யுனைடெட் ரவுண்ட் டேபிள் 186 மற்றும் ஏ.ஆர்.சி குரூப் மற்றும் சிவா டெக்ஸ் யார்ன் இணைந்து குழந்தைகளுக்கான இலவச மருத்துவ முகாமிற்கு ஏற்பாடு செய்யப்பட்டுள்ளது. ஈச்சனாரியில் உள்ள லட்சுமி கல்யாண மண்டபத்தில் நாளை நடக்கும் இந்த முகாமில் காலை 9 மணி முதல் குழந்தைகளுக்கு இலவச மருத்துவ சிகிச்சை அளிக்கப்படுகிறது.
9 வயது முதல் 15 வயதுக்குட்பட்ட குழந்தைகளுக்கு தலைசிறந்த மருத்துவர்களால் இந்த இலவச மருத்துவ சிகிச்சை அளிக்கப்படுகிறது. சிகிச்சைக்குப் பிறகு, முகாமில் கலந்து கொண்ட குழந்தைகளுக்கு திரைப்படம் திரையிட்டுக் காட்டப்படுகிறது. மேலும், காலை மற்றும் மதிய உணவுகளும் வழங்கப்படுகின்றன.