தண்டவாளப் பராமரிப்பு பணிகள் காரணமாக கோவை - சேலம் இடையிலான ரயில் போக்குவரத்து நேரம் மாற்றம்

ரயில் தண்டவாளப் பராமரிப்புப் பணிகள் காரணமாக கோவை - சேலம் மார்க்கத்திலான ரயில் போக்குவரத்து நேரம் மாற்றியமைக்கப்பட்டுள்ளதாக தெற்கு ரயில்வே அறிவித்துள்ளது. 

இது தொடர்பாக தெற்கு ரயில்வே வெளியிட்டுள்ள அறிவிப்பில், கோவை மாவட்டம் இருகூர் பகுதியில் உள்ள தண்டவாளங்கள் மற்றும் சிக்னல்களில் மேற்கொள்ளப்பட இருக்கும் பராமரிப்பு பணிகள் காரணமாக. அக்டோபர் 30-ம் தேதி முதல் நவம்பர் 1-ம் தேதி வரை கோவை - சேலம் இடையிலான ரயில் போக்குவரத்து நேரம் மாற்றியமைக்கப்பட்டது. இதையறிந்து பயணிகள் அதற்கேற்றவாறு, பயணத்திட்டங்களை மேற்கொள்ளுமாறு அறிவுறுத்தப்பட்டுள்ளது. 

மாற்றியமைக்கப்பட்ட ரயில்களின் விபரம் பின்வருமாறு :- (அக்டோபர் 30-ம் தேதி முதல் நவம்பர் 1-ம் தேதி வரை)

ரயில் எண் : 13352, அலப்பி தன்பாத் / டாடா எக்ஸ்பிரஸ் 70 நிமிடங்கள் தாமதமாக இயக்கப்படுகிறது. 

ரயில் எண் : 12678, எர்ணாகுளம் பெங்களூரூ எக்ஸ்பிரஸ் 40 நிமிடங்கள் கோவையில் இருந்து தாமதமாக இயக்கப்படுகிறது. 

ரயில் எண் : 16859, சென்னை எக்மோர் மங்களூரூ எக்ஸ்பிரஸ் 20 நிமிடங்கள் இருகூரில் இருந்து தாமதமாக இயக்கப்படுகிறது. 

ரயில் எண் : 13351, தன்பாத் /  டாடா - அலப்பி எக்ஸ்பிரஸ் 20 நிமிடங்கள் இருகூரில் இருந்து தாமதமாக இயக்கப்படுகிறது. 

ரயில் எண் : 12677, பெங்களூரூ எர்ணாகுளம் எக்ஸ்பிரஸ் 20 நிமிடங்கள் இருகூரில் இருந்து தாமதமாக இயக்கப்படுகிறது. 

ரயில் எண் : 12675, சென்னை சென்ட்ரல் கோயம்புத்தூர் கோவை எக்ஸ்பிரஸ் 55 நிமிடங்கள் ஈரோட்டில் இருந்து தாமதமாக இயக்கப்படுகிறது.

ரயில் எண் : 12676, கோயம்புத்தூர் சென்னை சென்ட்ரல் கோவை எக்ஸ்பிரஸ் 55 நிமிடங்கள் ஈரோட்டில் இருந்து தாமதமாக இயக்கப்படுகிறது.    

   

ரயில் எண் : 12243, சென்னை சென்ட்ரல் கோயம்புத்தூர் சதப்தி எக்ஸ்பிரஸ் 40 நிமிடங்கள் சேலத்தில் இருந்து தாமதமாக இயக்கப்படுகிறது.    

   

இவ்வாறு தெற்கு ரயில்வே அறிவித்துள்ளது.