கன மழை காரணமாக கோவை மாநகராட்சியில் மக்கள் குறைதீர்க்கும் நாள் கூட்டம் ரத்து

கோவை: கோவை மாநகராட்சி பிரதான அலுவலகத்தில் நாளை (15.10.2024) செவ்வாய்க்கிழமை நடைபெற இருந்த மேயர் கா.ரங்கநாயகி ராமச்சந்திரன் அவர்களின் மக்கள் குறைதீர்க்கும் நாள் கூட்டம் கன மழையின் காரணமாக நடைபெறாது என்று அறிவிக்கப்பட்டுள்ளது.

இந்தக் கூட்டம் வழக்கமாக காலை 11.00 மணி முதல் நண்பகல் 1.00 மணி வரை நடைபெறும். இக்கூட்டத்தில் கோவை மாநகராட்சிக்குட்பட்ட பகுதியிலுள்ள பொதுமக்கள் தங்களது பல்வேறு கோரிக்கைகளை மேயரிடம் நேரடியாக சமர்ப்பிக்க வாய்ப்பு வழங்கப்படும்.

பொதுமக்கள் பிறப்பு, இறப்பு சான்றிதழ்கள், சாலை வசதி, மின்விளக்குகள், குடிநீர் வசதி, பாதாள சாக்கடை, தொழில்வரி, சொத்துவரி, காலியிடவரி, புதிய குடிநீர் இணைப்பு, பெயர் மாற்றம், மருத்துவம், சுகாதாரம், கல்வி உள்ளிட்ட அடிப்படை வசதிகள் குறித்த கோரிக்கை மனுக்களை மேயரிடம் அளித்து பயன்பெற முடியும். இந்த மனுக்களின் மீது துறைசார்ந்த மாநகராட்சி அலுவலர்களால் நடவடிக்கை மேற்கொள்ளப்படும்.

கன மழை காரணமாக இந்த வாரம் கூட்டம் ரத்து செய்யப்பட்டுள்ளதால், அடுத்த வாரம் நடைபெறும் கூட்டத்தில் பொதுமக்கள் தங்களது கோரிக்கை மனுக்களை அளித்து பயன்பெறுமாறு கேட்டுக்கொள்ளப்படுகிறார்கள்.