பொள்ளாச்சி: எறிபந்து போட்டியில் மண்டல அளவில் முதலிடம் பெற்ற அரசு பள்ளி மாணவர்கள்

Coimbatore: பொள்ளாச்சி அருகே உள்ள கோட்டூர் அரசு பள்ளியில் குறுவள மையத்தின் சார்பாக எறிபந்து போட்டிகள் நடைபெற்றன. இதில் மாணவர் பிரிவில் 14 வயதுக்கு உட்பட்டோர் மற்றும் 17 வயதுக்கு உட்பட்டோர்களுக்கான போட்டிகள் நடத்தப்பட்டன.

இப்போட்டிகளில் பெத்தநாயக்கனுர் அரசு உயர்நிலைப்பள்ளி மாணவர்கள் கலந்து கொண்டு மண்டல அளவில் முதலிடம் பிடித்தனர். இதன் மூலம் அவர்கள் மாவட்ட அளவில் நடைபெறும் போட்டிகளுக்குத் தேர்வாகி உள்ளனர். குறிப்பிடத்தக்க விஷயம் என்னவென்றால், தொடர்ச்சியாக இரண்டாவது ஆண்டாக இப்பள்ளி மாணவர்கள் இச்சாதனையைப் புரிந்துள்ளனர்.



உடற்கல்வி ஆசிரியர் பணியிடம் காலியாக இருந்த போதிலும், மாணவர்களின் தொடர் முயற்சி, முன்னாள் மாணவர்கள் மற்றும் பெற்றோர்களின் ஒத்துழைப்பால் இந்தச் சாதனை சாத்தியமானது. மாணவர்களுக்குத் தேவையான பயிற்சிகளை தமிழாசிரியர் பாலமுருகன் வழங்கினார்.

வெற்றி பெற்ற மாணவர்களுக்கு பள்ளியின் தலைமை ஆசிரியர் உமாமகேஸ்வரி தனது வாழ்த்துக்களைத் தெரிவித்தார். இந்த வெற்றி, அரசுப் பள்ளி மாணவர்களின் திறமையையும், கடின உழைப்பையும் எடுத்துக்காட்டுவதாக உள்ளது.