பொள்ளாச்சியில் கலைஞர் கருணாநிதியின் 6ஆம் ஆண்டு நினைவு தினம் அனுசரிப்பு

Coimbatore: பொள்ளாச்சியில் முன்னாள் முதலமைச்சர் கலைஞர் கருணாநிதியின் 6ஆம் ஆண்டு நினைவு தினம் இன்று அனுசரிக்கப்பட்டது. காந்தி சிலை அருகில் நடைபெற்ற இந்த நிகழ்வில் கோவை தெற்கு மாவட்ட செயலாளர் தளபதி முருகேசன் தலைமையில் பல்வேறு திமுக நிர்வாகிகள் கலந்து கொண்டனர்.

முன்னாள் ஒன்றிய அமைச்சரும், கழக உயர்நிலை செயல்திட்ட குழு உறுப்பினருமான மு. கண்ணப்பன், கழக மாநில தகவல் தொழில்நுட்ப அணி இணை செயலாளர் டாக்டர் மகேந்திரன், மாநில விவசாய அணி துணை தலைவர் தமிழ்மணி, கழக செயல்திட்ட குழு உறுப்பினர் தென்றல் செல்வராஜ், நகர செயலாளர் நவநீதகிருஷ்ணன், நகர மன்ற தலைவர் சியாமளா, வழக்கறிஞர் அணி தலைவர் உள்ளிட்ட திமுக நிர்வாகிகள் கலைஞரின் திருவுருவப்படத்திற்கு மலர் தூவி மரியாதை செலுத்தினர்.



அதேபோல், அம்பராம்பாளையம் சுங்கம் பகுதியிலும் நினைவு தினம் அனுசரிக்கப்பட்டது. இங்கு ஒன்றிய செயலாளர் யுவராஜ் தலைமையில் திரண்ட ஏராளமான திமுக நிர்வாகிகள் மற்றும் பொதுமக்கள் முத்தமிழறிஞர் கலைஞரின் திருவுருவப்படத்திற்கும், அவரது நினைவுச் சின்னமான பேனாவிற்கும் மரியாதை செலுத்தினர்.

தமிழகம் முழுவதும் திமுகவினர் கலைஞர் கருணாநிதியின் 6ஆம் ஆண்டு நினைவு தினத்தை அனுசரித்து வருகின்றனர். முத்தமிழ் அறிஞர் டாக்டர் கலைஞரின் அரசியல் பங்களிப்பையும், சமூக சேவையையும் நினைவு கூர்ந்து பல்வேறு இடங்களில் நினைவஞ்சலி நிகழ்வுகள் நடைபெற்று வருகின்றன.