ஆனைமலையில் இளநீர் விலை மாற்றமின்றி தொடர்கிறது

கோவை: ஆனைமலை தாலுகா பகுதியில் இளநீர் பண்ணை விலையில் எந்த மாற்றமும் இல்லாமல் அதே விலை தொடர்வதாக அறிவிக்கப்பட்டுள்ளது. இளநீர் வரத்து தொடர்ந்து குறைவாக இருப்பதே இதற்கு காரணம் என தெரிவிக்கப்பட்டுள்ளது.

குட்டை மற்றும் நெட்டை வீரிய ஒட்டு இளநீரின் விலை, கடந்த வார விலையிலிருந்து எந்த மாற்றமும் இல்லாமல் இந்த வாரம் ஆகஸ்ட் 5 முதல் ஒரு இளநீருக்கு 37 ரூபாயாக நிர்ணயிக்கப்பட்டுள்ளது. இது தொடர்பாக வெளியிடப்பட்டுள்ள அறிவிப்பில், ஒரு டன் இளநீரின் விலை 14,750 ரூபாயாக நிர்ணயிக்கப்பட்டுள்ளதாகவும் தெரிவிக்கப்பட்டுள்ளது.

இந்த விலை நிர்ணயம் இளநீர் விவசாயிகள் மற்றும் வியாபாரிகளுக்கு வழிகாட்டியாக அமையும் என எதிர்பார்க்கப்படுகிறது. இளநீர் வரத்து அதிகரிக்கும் வரை இந்த விலை தொடரலாம் என்று கூறப்படுகிறது.