"N" வகை குடும்ப அட்டையினை 2017-ம் ஆண்டுக்கு புதுப்பித்துக்கொள்ள இணையதள முகவரி அறிமுகம்

கோவை மாவட்டத்தில் நியாய விலைக் கடைகளில் எப்பொருளும் வேண்டாதோருக்கு வழங்கப்பட்டுள்ள வெள்ளை நிறமுடைய "N" குடும்ப அட்டைகளை 2017ம் ஆண்டுக்கு புதுப்பித்துக் கொள்வதற்கு ஏதுவாக www.tnpds.com என்னும் இணையதள முகவரியில் வழிவகை செய்யப்பட்டுள்ளது.

"N" குடும்ப அட்டைதாரர்கள் சம்பந்தப்பட்ட நியாயவிலைக் கடையில் உள்ள விற்பனை முனையத்தில் தங்களது "N" குடும்ப அட்டையினை பதிவுசெய்துகொள்ளலாம். 

அல்லது, "N" குடும்ப அட்டைதாரர்கள் www.tnpds.com என்ற இணையதள முகவரியின் முகப்பில் "பயனுள்ள இணைப்புகள்" என்ற தலைப்பின் கீழ் காணப்படும் "N" கார்டு புதுப்பித்தல் தாள் என்ற இணைப்பில் "N"  குடும்ப அட்டையை பதிவு செய்த பின்னர் "N" குடும்ப அட்டை 1.1.2017 முதல் 31.12.2017 வரை புதுப்பிக்கப்பட்டுள்ளது என்ற சீட்டு அச்சிட்டு பெற வழிவகை செய்யப்பட்டுள்ளது.

இந்த புதுப்பித்தல் ஒப்புகை சீட்டினை "N" குடும்ப அட்டைதாரர்கள் தங்களுடைய குடும்ப அட்டையில் ஒட்டி பராமரிக்கப்பட வேண்டும். இத்தகைய காலநீட்டிப்பு பதிவுச்சீட்டு ஒட்டப்பட்டுள்ள குடும்ப அட்டைகள் மட்டுமே நடைமுறையிலுள்ள குடும்ப அட்டைகளாக கருதப்படும் என கோவை மாவட்ட ஆட்சியர் வெளியிட்டுள்ள செய்திக்குறிப்பில் தெரிவித்துள்ளார்.