ஈமு கோழி நிதி நிறுவனம் நடத்தி ரூ.5 கோடி மோசடி செய்த வழக்கில் கணவன், மனைவிக்கு தலா 17 ஆண்டுகள் சிறை தண்டனை மற்றும் ரூ.2.24கோடி அபராதம் விதித்த நீதிபதி, ஆஜராகாததால் இருவருக்கும் பிடிவாரண்ட் பிறப்பித்து உத்தரவிட்டார்.
கோவை: திருப்பூர் மாவட்டத்தில் ஈமு கோழி நிதி நிறுவனம் நடத்தி ரூ.5 கோடி மோசடி செய்த வழக்கில், கணவன் - மனைவிக்கு தலா 17 ஆண்டுகள் சிறைத் தண்டனை விதித்த கோவை நீதிமன்றம் இருவருக்கும் பிடிவாரண்ட் பிறப்பித்துள்ளது.
திருப்பூர் மாவட்டம் ரங்கபாளையம் பகுதியை சேர்ந்தவர் சிவசேனாபதி(45). இவர், தாராபுரம் சாலையில் சிவா ஈமு பார்ம் என்ற பெயரில் நிதி நிறுவனம் ஒன்றை நடத்தி வந்துள்ளார். இவரது மனைவி மோகன பிரியதர்ஷினி(40) மற்றும் தாயார் பத்மாவதி (65)
ஆகியோரும் அந்த நிறுவனத்தில் பங்குதாரர்களாக இருந்துள்ளனர்.
இந்த நிறுவனத்தில் ஒரு லட்சம் ரூபாய் 'டெபாசிட்' செய்தால் மாதம் ரூ.10,000 வட்டி மற்றும் ஆண்டுதோறும் ரூ.10,000 போனஸ் மற்றும் 2 ஆண்டுகள் கழித்து டெபாசிட் தொகை முழுவதையும் திருப்பி தருவதாக விளம்பரம் செய்துள்ளனர்.
இதற்காக 31 இடங்களில் கிளை அலுவலகம் திறந்து 337 பேரிடம் சுமார் 5 கோடி ரூபாய் வரை வசூலித்துள்ளனர். சில மாதங்கள் மட்டும் முதலீட்டாளர்களுக்கு வட்டி பணத்தைகொடுத்து வந்த இவர், திடீரென நிறுவனத்தை மூடிவிட்டு தலைமறைவானதாக கூறப்படுகிறது.
இதனை தொடர்ந்து, பாதிக்கப்பட்டவர்கள் கோவை பொருளாதார குற்றப்பிரிவில் புகார் அளித்தனர். புகாரின் அடிப்படையில் வழக்குப்பதிவு செய்த போலீசார் கடந்த 2012ஆம் ஆண்டு, சிவசேனாபதி அவரது மனைவி மோகன பிரியதர்ஷினி மற்றும் தாயார் பத்மாவதி ஆகிய மூவரையும் கைது செய்தனர்.
இதுதொடர்பான வழக்கு விசாரணை கோவை டான்பிட் நீதிமன்றத்தில் கடந்த 10 ஆண்டுகளாக நடைபெற்று வந்தது. வழக்கில் விசாரணை முழுமையாக நிறைவு பெற்ற நிலையில், நீதிபதி ரவி தீர்ப்பை வழங்கினார்.
அதில், குற்றம் சாட்டப்பட்ட சிவசேனாபதி மற்றும் அவரது மனைவி மோகன பிரியதர்ஷினி ஆகியோருக்கு மோசடி செய்த குற்றத்திற்காக தலா 7 ஆண்டு சிறை தண்டனை விதிக்கப்பட்டது.
தமிழ்நாடு முதலீட்டாளர் நலன் பாதுகாப்பு சட்டப்பிரிவு 5-ன் கீழான குற்றத்திற்காக தலா 10 ஆண்டு சிறை தண்டனையும் விதிக்கப்பட்டது. மேலும், 2.42 கோடி ரூபாய் அபராதம் விதித்தும் நீதிபதி உத்தரவிட்டார். தாயார் பத்மாவதி விடுவிக்கப்பட்டார்.
தண்டனையை ஒன்றன் பின் ஒன்றாக நிறைவேற்ற உத்தரவிடப்பட்டு உள்ளதால் மொத்தம் 17 ஆண்டுகள் சிறை தண்டனை விதிக்கப்பட்டுள்ளது. தண்டனை பெற்ற இருவரும் நீதிமன்றத்தில் ஆஜராகாததால் 'பிடிவாரன்ட்' பிறப்பிக்கப்பட்டது.
திருப்பூர் மாவட்டம் ரங்கபாளையம் பகுதியை சேர்ந்தவர் சிவசேனாபதி(45). இவர், தாராபுரம் சாலையில் சிவா ஈமு பார்ம் என்ற பெயரில் நிதி நிறுவனம் ஒன்றை நடத்தி வந்துள்ளார். இவரது மனைவி மோகன பிரியதர்ஷினி(40) மற்றும் தாயார் பத்மாவதி (65)
ஆகியோரும் அந்த நிறுவனத்தில் பங்குதாரர்களாக இருந்துள்ளனர்.
இந்த நிறுவனத்தில் ஒரு லட்சம் ரூபாய் 'டெபாசிட்' செய்தால் மாதம் ரூ.10,000 வட்டி மற்றும் ஆண்டுதோறும் ரூ.10,000 போனஸ் மற்றும் 2 ஆண்டுகள் கழித்து டெபாசிட் தொகை முழுவதையும் திருப்பி தருவதாக விளம்பரம் செய்துள்ளனர்.
இதற்காக 31 இடங்களில் கிளை அலுவலகம் திறந்து 337 பேரிடம் சுமார் 5 கோடி ரூபாய் வரை வசூலித்துள்ளனர். சில மாதங்கள் மட்டும் முதலீட்டாளர்களுக்கு வட்டி பணத்தைகொடுத்து வந்த இவர், திடீரென நிறுவனத்தை மூடிவிட்டு தலைமறைவானதாக கூறப்படுகிறது.
இதனை தொடர்ந்து, பாதிக்கப்பட்டவர்கள் கோவை பொருளாதார குற்றப்பிரிவில் புகார் அளித்தனர். புகாரின் அடிப்படையில் வழக்குப்பதிவு செய்த போலீசார் கடந்த 2012ஆம் ஆண்டு, சிவசேனாபதி அவரது மனைவி மோகன பிரியதர்ஷினி மற்றும் தாயார் பத்மாவதி ஆகிய மூவரையும் கைது செய்தனர்.
இதுதொடர்பான வழக்கு விசாரணை கோவை டான்பிட் நீதிமன்றத்தில் கடந்த 10 ஆண்டுகளாக நடைபெற்று வந்தது. வழக்கில் விசாரணை முழுமையாக நிறைவு பெற்ற நிலையில், நீதிபதி ரவி தீர்ப்பை வழங்கினார்.
அதில், குற்றம் சாட்டப்பட்ட சிவசேனாபதி மற்றும் அவரது மனைவி மோகன பிரியதர்ஷினி ஆகியோருக்கு மோசடி செய்த குற்றத்திற்காக தலா 7 ஆண்டு சிறை தண்டனை விதிக்கப்பட்டது.
தமிழ்நாடு முதலீட்டாளர் நலன் பாதுகாப்பு சட்டப்பிரிவு 5-ன் கீழான குற்றத்திற்காக தலா 10 ஆண்டு சிறை தண்டனையும் விதிக்கப்பட்டது. மேலும், 2.42 கோடி ரூபாய் அபராதம் விதித்தும் நீதிபதி உத்தரவிட்டார். தாயார் பத்மாவதி விடுவிக்கப்பட்டார்.
தண்டனையை ஒன்றன் பின் ஒன்றாக நிறைவேற்ற உத்தரவிடப்பட்டு உள்ளதால் மொத்தம் 17 ஆண்டுகள் சிறை தண்டனை விதிக்கப்பட்டுள்ளது. தண்டனை பெற்ற இருவரும் நீதிமன்றத்தில் ஆஜராகாததால் 'பிடிவாரன்ட்' பிறப்பிக்கப்பட்டது.