ஜூனியர் விகடனில் பள்ளி கல்விதுறை அமைச்சர் அன்பில் மகேஷ், முதலமைச்சர், உதயநிதி ஸ்டாலின் அடங்கிய புகைப்படத்துடன் சர்ச்சைக்குரிய கட்டுரை வெளியிட்டதாக கூறி மாவட்ட மாநகர தலைமை உதயநிதி ஸ்டாலின் ரசிகர் நற்பணி மன்றத்தினர் கோவையில் ல ஆர்பாட்டத்தில் ஈடுபட்டனர்.
கோவை: மாதந்தோறும் வெளியிடப்படும் பிரபல தனியார் நாளேட்டில் (ஜூனியர் விகடன்) பள்ளி கல்விதுறை அமைச்சர் அன்பில் மகேஷ் பொய்யாமொழி மற்றும் அவருடன் முதலமைச்சர், உதயநிதி ஸ்டாலின் உள்ள புகைப்படத்துடன் கட்டுரை ஒன்று வெளியாகியுள்ளது.
அதில், சொதப்பலில் பள்ளிக்கல்வித்துறை, அழுத்தத்தில் ஆசிரியர்கள், அந்தரத்தில் பயிற்சி மையம், கல்வி அமைச்சர் பெயில் என பல்வேறு தலைப்புகளில் அமைச்சர் குறித்து அவதூறு செய்திகளை வெளியிட்டுள்ளதாக கூறி கோவை மாவட்ட மாநகர தலைமை உதயநிதி ஸ்டாலின் ரசிகர் நற்பணி மன்றத்தினர் ஆர்பாட்டத்தில் ஈடுபட்டனர்.
கோவை தெற்கு தாசில்தார் அலுவலகம் முன்பு ஆர்ப்பாட்டத்திற்கு, மாவட்ட தலைவர் இருகூர் பூபதி தலைமை தாங்கினார்.
இந்த ஆர்ப்பாட்டத்தில் ஜூனியர் விகடன் நாளேட்டினை எரித்து, கண்டனம் கோஷங்களை எழுப்பினர்.
மேலும், இந்த நாளேடுகள் கடைகளில் விற்பனை செய்தால் மாவட்டம் முழுவதும் கண்டன ஆர்ப்பாட்டத்தில் ஈடுபடுவோம், என போராட்டத்தின் போது தெரிவித்தனர்.