அமேசான் கிஃப்ட் Pay Coupon மூலம் பணம் அனுப்ப தனது பெயர் மற்றும் புகைப்படம் கொண்ட வாட்ஸ்அப் எண்ணில் இருந்து மெசேஜ் வந்தால் பொதுமக்கள் நம்ப வேண்டாம் என்று கோவை மாவட்ட ஆட்சியர் சமீரன் தனது ட்விட்டர் பக்கத்தில் வலியுறுத்தி உள்ளார்.
கோவை: ஆட்சியர் ஜி.எஸ்.சமீரன் பெயரில் அவரது புகைப்படத்துடன் போலியாக வாட்ஸ்அப் கணக்கு தொடங்கி, மோசடியில் ஈடுபட முயன்ற ஆசாமிகள் குறித்து போலீசார் விசாரணை மேற்கொண்டு வருகின்றனர்.
கோவை மாவட்ட ஆட்சியர் ஜி.எஸ்.சமீரன் பெயர் மற்றும் புகைப்படத்தை வைத்து வாட்ஸ் அப் மூலம் மோசடியில் ஈடுபட்டு வரும் நபர்கள் குறித்து சைபர் கிரைம் போலீசார் விசாரணை மேற்கொண்டு வருகின்றனர்.
எனவே, பொதுமக்கள் எச்சரிக்கையாக இருக்கும்படி கோவை ஆட்சியர் சமீரன் தனது ட்விட்டர் பக்கத்தில் வலியுறுத்தி உள்ளார். அமேசான் கிஃப்ட் pay coupon மூலம் பணம் அனுப்ப தனது பெயர் மற்றும் புகைப்படம் கொண்ட வாட்ஸ்அப் எண்ணில் இருந்து மெசேஜ் வந்தால் பொதுமக்கள் நம்ப வேண்டாம் என்று கோவை மாவட்ட ஆட்சியர் தெரிவித்துள்ளார்.
சமீபத்தில், இதே போல திருப்பூர் மாவட்ட ஆட்சியர் வினீத் பெயர் மற்றும் புகைப்படத்தை பயன்படுத்தி போலி வாட்ஸ்அப் எண் மூலம் அரசு ஊழியர்களிடம் பணம் கேட்டு மெசேஜ் அனுப்பப்பட்டது என்பது குறிப்பிடத்தக்கது.