குமரகுரு பொறியியல் கல்லூரியில் 40வது பேட்ஜில் சேர்ந்த முதலாமாண்டு மாணவ, மாணவிகளுக்கு உற்சாக வரவேற்பு!

கோவை: குமரகுரு பொறியியல் கல்லூரியில் 40 வது பேட்ஜில் சேர்ந்த 1,400க்கும் மேற்பட்ட மாணவ, மாணவிகளுக்கு உற்சாக வரவேற்பு அளிக்கப்பட்டது.



கோவை சரவணம்பட்டி அருகே உள்ள குமரகுரு தொழில்நுட்பக் கல்லூரியின் 40வது பேட்ஜ் கல்லூரி நிர்வாகம் மற்றும் கல்விப் பணியாளர்களால் கேசிடி ஸ்வாகதம் 2023 இன் போது, மாணவர்கள் பெற்றோருடன் வரவேற்கப்பட்டனர். வருங்கால பொறியாளர்களை வளர்ப்பதில் இக்கல்வி நிறுவனம் மற்றொரு மைல்கல்லை குறிக்கும் வகையில், நான்கு தசாப்தங்களாக உயர்ந்து நிற்பது குறிப்பிடத்தக்கது.



குமரகுரு நிறுவனங்களின் பாரம்பரியத்தின் மீது நம்பிக்கையை வலுப்படுத்தியதற்காக பெற்றோருக்கு நன்றி தெரிவிக்கும் நிகழ்வாக ஸ்வாகதம் 2023 அமைந்தது, கல்லூரியில் உள்ள ராமனந்த அடிகளார் கலையரங்கதில் நடைபெற்ற KCT ஸ்வாகதம் 2023 நிகழ்ச்சி குமரகுரு நிறுவனங்களின் தாளாளர் எம் பாலசுப்ரமணியம் தலைமையில் நடைபெற்றது.



இதில் குமரகுரு நிறுவனங்களின் இணை தாளாளர் சங்கர் வாணவராயர் வாழ்த்துரை வழங்கினார்.

கல்வி, இணை பாடத்திட்டம் மற்றும் கூடுதல் பாடத்திட்டத்தை தொடர்ந்து புதுப்பிப்பதன் மூலம், நிறுவனம், அதன் தொலைநோக்கு மற்றும் மாணவர்களை எவ்வாறு படிப்படியாக வளர்த்து வருகிறது என்பதைப் பற்றி பெற்றோருக்குத் தெரிந்துகொள்ள இது ஒரு தளமாக அமைந்தது. பெற்றோர்கள் தங்கள் பிள்ளைகளின் கற்றல் செயல்பாட்டில், கல்லூரிக்கு இணையாக சமமான பொறுப்பைப் வகிக்கிறார்கள் என்பதை குறித்தும் விளக்கப்பட்டது.



மாணவர்களுக்கு, ஸ்வாகதம் மூலமாக கல்லூரியின் உள்கட்டமைப்புகள் மற்றும் அவர்களின் உள்ளார்ந்த ஆர்வங்கள் மற்றும் திறமைகளை எப்படி அடையாளம் காண்பது என்பதை பற்றி தெரிந்து கொண்டனர்.



இந்நிகழ்சியில் கல்லூரி முதல்வர் மற்றும் பேராசிரியர்கள் கல்லூரியில் உள்ள வசதிகள் மற்றும் கல்விமுறை குறித்தி மாணவ மாணவிகளிடம் விளக்கிக் கூறினர். மேலும் இக்கல்லூரியில் இணைந்த புதிய மாணவ மாணவிகள் தாங்கள் இணைந்ததிற்கான காரணங்களை விளக்கினர். இந்நிகழ்ச்சியில் கல்லூரியில் புதிதாக இணைந்த 1400க்கும் மேற்பட்ட மாணவ மாணவிகள் மற்றும் அவர்களது பெற்றோர்கள் கலந்து கொண்டனர்.

ஸ்வாகதம் மூலம், மாணவர்கள் ஒருவரையொருவர் அறிந்து கொள்வதற்காகவும், குமரகுரு கற்றல் மண்டலத்திற்கு அவர்களை வழிநடத்தும் மூத்தவர்களுக்காகவும் ஒரு வார கால செயல்பாடான இக்னைட் 2023 பற்றி மாணவர்களுக்கு விளக்கப்பட்டது.