கோவை தமிழ்நாடு வேளாண்மைப்‌ பல்கலைக்கழகம்‌ இளமறிவியல்‌ (2022-2023) மாணவர்‌ சேர்க்கை..!

கோவை: தமிழ்நாடு வேளாண்மைப்‌ பல்கலைக்கழகத்தில் இளமறிவியல் 2022-23 மாணவர்‌ சேர்க்கை துவங்கப்பட்டுள்ளது.



இந்தியாவின்‌ தலைசிறந்த வேளாண்‌ பல்கலைக்கழகங்களில்‌ முதன்மையான தமிழ்நாடு வேளாண்மைப்‌ பல்கலைக்கழகத்தின்‌ கீழ்‌ இயங்கி வரும்‌ 18 உறுப்புக்‌ கல்லூரிகள்‌ மற்றும்‌ 28 இணைப்புக்‌ கல்லூரிகளில்‌ பயிற்றுவிக்கப்படும்‌ பன்னிரெண்டு (12) இளமறிவியல்‌ பட்டப்படிப்புகளுக்கு 2022-2023 ஆம்‌ வருடத்திற்கான மாணவர்‌ சேர்க்கை 28.06.2022 அன்று முதல்‌ தொடங்க உள்ளது.

இளமறிவியல்‌ பாடப்பிரிவுகளான, இளமறிவியல்‌ (மேதமை) வேளாண்மை, இளமறிவியல்‌ (மேதமை) தோட்டக்கலை, இளமறிவியல்‌ (மேதமை) வேளாண்மை (தமிழ்‌ வழி), இளமறிவியல்‌ (மேதமை) தோட்டக்கலை (தமிழ்‌ வழி), இளமறிவியல்‌ (மேதமை) வனவியல்‌, இளமறிவியல்‌ (மேதமை) உணவு, ஊட்டச்சத்து மற்றும்‌ உணவு முறையியல்‌, இளம்‌ தொழில்நுட்பம்‌ (வேளாண்‌ பொறியியல்‌), இளமறிவியல்‌ (மேதமை) பட்டுவளர்ப்பு, இளம்‌ தொழில்நுட்பம்‌ (உணவு தொழில்நுட்பம்‌), இளம்‌ தொழில்நுட்பம்‌ (உயிரித்‌ தொழில்நுட்பம்‌), இளம்‌ தொழில்நுட்பம்‌ (ஆற்றல்‌ மற்றும்‌ சுற்றுச்‌ சுழல்‌ பொறியியல்‌) மற்றும்‌ இளமறிவியல்‌ (வேளாண்‌ வணிக மேலாண்மை) ஆகியவற்றிற்கு மாணவர்‌ சேர்க்கை நடைபெறும்‌.

உறுப்புக்‌ கல்லூரிகளில்‌ 2,148 இடங்களுக்கும்‌, இணைப்புக்‌ கல்லூரிகளில்‌ 2,337 இடங்களுக்கும்‌ இணையதள வாயிலாக 2022-2023 ஆம்‌ வருடத்திற்கான மாணவர்‌ சேர்க்கை நடைபெற உள்ளது. பன்னிரெண்டு பாடப்பிரிவுகளுக்கும்‌ ஒரே ஒரு இணைய வழி விண்ணப்பம்‌ மட்டுமே போதுமானது.



மாணவர்கள்‌ https://tnau.ucanapply.com என்ற இணையதளம்‌ வாயிலாக 27.07.2022-ஆம்‌ தேதி வரை விண்ணப்பிக்கலாம்‌. 2022-2023 ஆம்‌ வருடத்திற்கான மாணவர்‌ சேர்க்கை தொடர்பான பதிவு செய்தல்‌ மற்றும்‌ விண்ணப்பம்‌ நிரப்புதல்‌, தரவரிசை பட்டியல்‌ வெளியீடு, கலந்தாய்வு, இட ஒதுக்கீடு, சான்றிதழ்‌ சரிபார்ப்பு, நகர்வு முறையில்‌ பாடப்பிரிவு மற்றும்‌ கல்லூரிகளை ஒதுக்கீடு செய்தல்‌, கல்லூரியில்‌ சேருவதற்கான இடைக்கால அனுமதி வழங்குதல்‌ ஆகிய அனைத்தும்‌ இணையதளம்‌ வாயிலாக மட்டுமே நடைபெறும்‌.

மாணவர்‌ சேர்க்கை குறித்த இதர விபரங்களை அறிந்துகொள்ள www.tnau.ac.in இணையதளத்தில்‌ உள்ள தகவல்‌ கையேடு உதவிகரமாக இருக்கும்‌. மேலும்‌, தெளிவு பெற 0422-6611322, 0422-6611328, 0422-6611345, 0422-6611346 ஆகிய தொலைபேசி உதவிச்‌ சேவை எண்களை அனைத்து வேலை நாட்களிலும்‌ காலை 9 மணி முதல்‌ மாலை 5 மணி வரை தொடர்பு கொள்ளலாம்‌. மேலும்‌, விண்ணப்பதாரர்கள்‌ தங்களுடைய தேவைகளுக்கான பதில்களை [email protected] என்ற மின்னஞ்சல்‌ வழியாகவும்‌ பெற்றுக்‌ கொள்ளலாம்‌.