TNAU ஆராய்ச்சி மாணவர்களுக்கு பண்ணையில்‌ இருந்து நுகர்வோர்‌ வரை சோளக்‌ கதிரின்‌ பயணம்‌ - என்ற தலைப்பில் கருத்தரங்கம்!

கோவை: கோவையில் வேளாண் பொறியியல் கல்லூரி மற்றும் ஆராய்ச்சி நிறுவனத்தின் உணவு பதன்செய் பொறியியல் துறையில் தமிழ்நாடு வேளாண்மைப் பல்கலைக்கழகத்தின் ஆராய்ச்சி மாணவர்களுக்கு பண்ணையிலிருந்து நுகர்வோர் வரை சோளக் கதிரின் பயணம் என்ற தலைப்பில் கருத்தரங்கம் நடந்தது.



உணவு பதன்செய்‌ பொறியியல்‌ துறை, வேளாண்‌ பொறியியல்‌ கல்லூரி மற்றும்‌ ஆராய்ச்சி நிறுவனம்‌, கோயம்புத்தூர்‌, தமிழ்நாடு வேளாண்மைப்‌ பல்கலைக்கழகத்தின்‌ ஆராய்ச்சி மாணவர்களுக்கு, துணைவேந்தர்‌ முனைவர்‌. வி. கீதாலட்சுமி முன்னிலையில்‌, 20.6.2022 அன்று பண்ணையில்‌ இருந்து நுகர்வோர்‌ வரை - சோளக்‌ கதிரின்‌ பயணம்‌" என்ற தலைப்பில்‌ விரிவுரையை ஏற்பாடு செய்தது. முனைவர்‌. எ.லட்சுமணன்‌, முதல்வர்‌ (முதுகலை கல்வி), வரவேற்புரை வழங்கினார்‌. தேசிய மற்றும்‌ சர்வதேச அளவில்‌ தமிழ்நாடு வேளாண்மைப்‌ பல்கலை தொழில்நுட்‌பங்களுடன்‌ முன்‌ மொழியப்பட்ட தொழில்துறை இணைப்புக்கு உரிய பரிசீலனை அளித்ததற்காக, துணைவேந்தருக்கு நன்றி கூறினார்‌.

தமிழ்நாடு வேளாண்மைப்‌ பல்கலைக்கழக துணைவேந்தர் முனைவர்‌.வி.கீதாலட்சுமி உரையில் அதிக சந்தை மதிப்பு மற்றும்‌ மேம்பட்ட நுகர்வோர்‌ ஏற்றுக்கொள்ளல்‌ ஆகியவற்றிற்காக விவசாய உற்பத்திகளை குறிப்பாக உபரியின்‌ போது பதப்படுத்தப்பட்ட அறுவடைக்கு பிந்தைய தொழில்நுட்பங்களின்‌ தலையீட்டின்‌ அவசியத்தை எடுத்துரைத்தார்‌. உணவு பதன் செய்‌ பொறியியல்‌ துறை தலைவர்‌ மற்றும் பேராசிரியர், முனைவர்‌. எம்‌.பாலகிருஷ்ணன்‌, விருந்தினர்‌ பேச்சாளரின்‌ ஆராய்ச்சி சாதனைகளை எடுத்துரைத்தார்‌.

அமெரிக்காவிலுள்ள பர்டூ பல்கலைக்கழகத்தின்‌ பேராசிரியர்‌ முனைவர்‌.ஆர்‌.பி.கிங்ஸ்லி ஆம்ப்ரோஸ்‌, மக்காச்சோளத்தை அறுவடை செய்வதிலிருந்து பல்வேறு மக்காச்சோள அடிப்படையிலான பொருட்கள்‌ வரை பின்பற்றப்படும்‌ தொழில்நுட்பங்கள்‌ மற்றும்‌ மக்காச்சோள சேதத்தை குறைப்பது மற்றும்‌ சோள மாவு பதப்படுத்துவதில்‌ தூசி குறைப்பு ஆகியவற்றில்‌ அவரது ஆராய்ச்சி பகுதிகள்‌ குறித்து விரிவுரைகளை வழங்கினார்‌. வேளாண்‌ பொறியியல்‌ கல்லூரி மற்றும்‌ ஆராய்ச்சி நிறுவன முதல்வர் முனைவர்‌.எ.ரவிராஜ் நன்றியுரையாற்றினார்‌. அதோடு நிகழ்ச்சியை ஏற்பாடு செய்ததில்‌ உணவு பதன்செய்‌ பொறியியல்‌ துறையின்‌ முயற்சியைப்‌ பாராட்டினார்‌.