கோவை மாநகராட்சியில் அதிக இடங்களில் வெற்றி பெற்று திமுக கூட்டணி மாநகராட்சியை கைப்பற்றியது..!!

கோவை: கோவை மாநகராட்சியில் உள்ள 100 வார்டுகளில் 51 இடங்களை திமுக கூட்டணி கைப்பற்றியது.

கோவை மாவட்டத்தில் 1 மாநகராட்சி, 7 நகராட்சிகள் மற்றும் 33 பேரூராட்சிகளுக்கு கடந்த 19ம் தேதி நகர்ப்புற உள்ளாட்சி தேர்தல் நடைபெற்றது.

இதில் கோவை மாநகராட்சியில் 100 வார்டுகளில் 778 வேட்பாளர்கள், நகராட்சியில் 861 பேர், பேரூராட்சிகளில் 1727 என மொத்தம் 3,366 பேர் உள்ளாட்சி தேர்தலில் போட்டியிட்டனர்.

இந்த நிலையில், கோவை மாநகராட்சியில் உள்ள 100 வார்டுகளில் 55 இடங்கள் முடிவுகள் வெளியாகி உள்ளது. இதில் 51 இடங்களில் திமுக கூட்டணி அமோக வெற்றி பெற்றது.

திமுக - 40

காங்கிரஸ் - 5

மதிமுக - 2

சிபிஐ - 1

சிபிஎம் - 3

அதிமுக - 3

இதன் மூலம் கோவை மாநகராட்சி மேயர் பதவியை திமுக கூட்டணி கைப்பற்றியது குறிப்பிடத்தக்கது.