இறுதிப் போட்டியில் வெற்றி பெற்ற அணிக்கு முதல் பரிசாக ரூ.1,00,000, இரண்டாம் பரிசு ரூ.75,000, மூன்றாம் பரிசு ரூ.50000, நான்காம் பரிசு ரூ.25,000 பரிசுகள் மற்றும் கோப்பைகள் வழங்கப்பட்டது.
கோவை: கோவை கொடிசியா மைதானத்தில் திமுக சார்பில் நடைபெற்ற கிரிக்கெட் போட்டியில் வெற்றி பெற்றவர்களுக்கு அமைச்சர் செந்தில் பாலாஜி பரிசுகளை வழங்கினார்.
கோவை கொடிசியா மைதானத்தில் திமுக இளைஞரணி செயலாளரும் சேப்பாக்கம் சட்டமன்ற உறுப்பினருமான உதயநிதி ஸ்டாலின் பிறந்தநாளை முன்னிட்டு ஒருங்கிணைந்த கோவை மாவட்டம் திமுக சார்பில் மாவட்ட அளவிலான கிரிக்கெட் போட்டி நடைபெற்றது.
இந்தப் போட்டியில் வெற்றி பெற்றவர்களுக்கு அமைச்சர் செந்தில் பாலாஜி பரிசுகளை வழங்கினார்.
இறுதிப் போட்டியில் வெற்றி பெற்ற அணிக்கு முதல் பரிசு ரூ.1,00,000, இரண்டாம் பரிசு ரூ.75,000, மூன்றாம் பரிசு ரூ.50000, நான்காம் பரிசு ரூ.25,000 பரிசுகள் மற்றும் கோப்பைகளை அமைச்சர் செந்தில் பாலாஜி வழங்கினார்.
இந்த நிகழ்ச்சியில் கோவை மாவட்ட திமுக பொறுப்பாளர்கள் நா கார்த்திக், மருதமலை சேனாதிபதி, பையா என்ற ஆர். கிருஷ்ணன், சி ஆர் ராமச்சந்திரன் மற்றும் கட்சி நிர்வாகிகள், பொதுமக்கள் ஏராளமானோர் கலந்து கொண்டனர்.