கோவையில் காய்கறிகள் விலை சரிவு... தக்காளி கிலோ ரூ.40-க்கு விற்பனை!

கோவை: கோவை எம்.ஜி.ஆர் மொத்த மார்க்கெட்டில் காய்கறிகள் விலை சரிவடைந்துள்ளன.

கோவை-மேட்டுப்பாளையம் சாலையில், அமைந்துள்ள எம்ஜிஆர் மொத்த மார்க்கெட்டிற்கு கர்நாடகாவிலிருந்து தக்காளி, வெங்காயம், முட்டைக்கோஸ், அவரைக்காய், கோவை மாவட்டத்திலிருந்து வெங்காயம், நீலகிரி மாவட்டத்திலிருந்து கேரட், பீட்ரூட், பீன்ஸ், உருளைக்கிழங்கு ஆகியவை அதிகளவில் வருகின்றன.

இங்கு சில்லறை வியாபாரிகள் தங்கள் கடைகளுக்குத் தேவையான பொருட்களை மொத்தமாக வாங்கி செல்கின்றனர். கடந்த வாரம் ரூ 80-க்கு விற்பனை செய்யப்பட்ட தக்காளி ரூ.40 முதல் ரூ.35-க்கு விற்பனை செய்யப்பட்டது.

இதேபோல், கேரட், பீன்ஸ் உள்ளிட்ட காய்கறிகளின் விலையும் குறைந்து உள்ளது. கேரட் ரூ.50, பீன்ஸ் ரூ.40, முட்டைக்கோஸ் ரூ.8, பீர்க்கங்காய் ரூ.22, பாகற்காய் ரூ.22, புடலங்காய் ரூ.15, வெண்டைக்காய் ரூ.55-க்கு விற்பனை செய்யப்பட்டது.

இதேபோல், உருளைக்கிழங்கு கிலோ ரூ.25-க்கும், சின்ன வெங்காயம் ரூ.35, பெரிய வெங்காயம் ரூ.37க்கும் விற்பனை செய்யப்பட்டது. இந்த விலையிலிருந்து மற்ற சிறிய மார்க்கெட்டுகள் மற்றும் சில்லறை வியாபாரிகள் விற்பனை செய்யும்போது கிலோவுக்கு ரூ.10 வரை அதிகமாக இருக்கும் என்பது குறிப்பிடத்தக்கது.