கோவை: வால்பாறையில் கடந்த சில தினங்களில் கரடி தாக்கி ஒருவர் உயிரிழந்ததைத் தொடர்ந்து, பொதுமக்கள் வனவிலங்குகளிடமிருந்து தங்களைப் பாதுகாத்துக்கொள்ளும் பொருட்டு, வனத்துறை சார்பில் ஒலிபெருக்கி மூலம் விழிப்புணர்வு பிரசாரம் மேற்கொள்ளப்பட்டது.
கோவை: வால்பாறையில் கடந்த சில தினங்களில் கரடி தாக்கி ஒருவர் உயிரிழந்ததைத் தொடர்ந்து, பொதுமக்கள் வனவிலங்குகளிடமிருந்து தங்களைப் பாதுகாத்துக்கொள்ளும் பொருட்டு, வனத்துறை சார்பில் ஒலிபெருக்கி மூலம் விழிப்புணர்வு பிரசாரம் மேற்கொள்ளப்பட்டது.
கோவை மாவட்டம் வால்பாறையில் கடந்த சில தினங்களாக கரடி தாக்கி ஒருவர் உயிரிழந்துள்ளார் மற்றொருவர் படுகாயத்துடன் கோவையில் சிகிச்சை பெற்று வருகிறார். இச்சம்பவம் வால்பாறையில் பரபரப்பையும் பீதியையும் ஏற்படுத்தியுள்ளது.
இதைத் தொடர்ந்து வனத்துறை சார்பில் பொதுமக்களுக்கு வாகனத்தில் ஒலிபெருக்கி மூலம் வால்பாறை காந்திசிலை வளாகம் உட்பட முக்கிய இடங்களில் தேவையின்றி வெளியில் சுற்ற வேண்டாம், இரவு நேரங்களில் நடமாடுவதைத் தவிர்க்க வேண்டும், குழந்தைகள் முதியவர்கள் தனியாக நடமாடுவதைத் தவிர்க்க வேண்டும் என்று அறிவுறுத்தினர்.
மேலும் வனவிலங்குகளைப் பார்ப்பவர்கள் உடனடியாக வனத்துறைக்கு தகவல் அளிக்க தொலைபேசி எண்களை அறிவித்துள்ளனர். தகவல் தெரிவிக்க வன உயிரின வேளாணமை மற்றும் மீட்பு மையம் ரொட்டிக்கடை தொலைபேசி எண்: 04252 223222, வனவர் மனித விலங்கு முதல் தடுப்புக் குழு: 944 25 47 654. வனவர் தனியார் காடுகள் பிரிவு வால்பாறை வனச்சரகம்: 88839 85972. வனவர் அக்காமலை பிரிவு வால்பாறை வனச்சரகம்: 79585 271437 என்ற எண்ணுக்கு தொடர்பு கொண்டு தகவல் தெரிவிக்க துண்டுப்பிரசுரங்களை வழங்கினர்.
இந்நிகழ்வில் மானாம்பள்ளி வனச்சரகர் மணிகண்டன் வால்பாறை வனச்சரகர் ஜெயச்சந்திரன் மற்றும் வால்பாறை வனச்சரகம், மானாம்பள்ளி வனச்சரகம் வனவர்கள், காவலர்கள், வேட்டைத் தடுப்புக் காவலர்கள் ஆகியோர் கலந்து கொண்டனர்.